سری لنکا کے مائیکل وندورت نے سکور میں 65 رن کا اضافہ کیا

سری لنکا کے اپنرز مائیکل وندورت اور تلکارانتے دلشانت نے بالترتیب 65 اور 50 رن کا اضافہ کرتے ہوئے انگلینڈ کی 154 رن کی برتری ختم کردی۔ تیسرے روز کا میچ بارش کے باعث دیر سے شروع ہوا۔

تازہ ترین سکور کے لیئے کلک کریں

اب یوں معلوم ہو رہا ہے کہ ایجبسٹن کی مشکل پچ پر انگلینڈ کے لیئے اپنا ٹارگٹ حاصل کرنا خاصا مشکل بھی ثابت ہوسکتا ہے۔

اس سے پہلے انگلینڈ کی ٹیم 295 رنز بنا کر آؤٹ ہو گئی تھی اور اسے سری لنکا کی پہلی اننگز کے مقابلے میں 154 رنز کی برتری حاصل تھی۔ تاہم اب 295 کے مقابلے میں سری لنکا نے اپنی دو اننگز میں 141 اور 182 رن بنا لیئے ہیں۔

انگلینڈ کی طرف سے کیون پیٹرسن نے 142 رنز بنائے تھے۔ سری لنکا کی طرف سے مرلی دھرن نے چھ وکٹیں لیں۔

ایک موقع پر انگلینڈ کا سکور 290 رنز تھا اور اس کی صرف پانچ وکٹیں گری تھیں لیکن انگلینڈ کے آخری پانچ کھلاڑی ٹیم کے سکور میں صرف 5 رنز کا اضافہ کر سکے۔

جمعرات کے روز جب کھیل ختم ہوا تھا اس وقت انگلیند نے 138 رنز بنائے تھے اور اس کے تین کھلاڑی آؤٹ ہوئے تھے۔

انگلینڈ: مارکس ٹریسکوتھک، اینڈریو سٹراس، الیسٹر کُک، کیون پیٹرسن، پال کولنگ وڈ، اینڈریو فلنٹاف (کپتان)، گیرانٹ جونز، لیام پلنکٹ، میتھیو ہوگارڈ، ساجد محمود اور مونٹی ہوگارڈ۔

سری لنکا: اُپل تھرانگا، مائیکل وانڈورٹ، کمار سنگاکارا، ماہیلا جے وردنا (کپتان)، تھلان سماراویرا، تلکارتنے دلشان، فرویز مہاروف، چمندہ واس، نیوان کلوسیکرا، متیا مرلی دھرن اور لاسیتھ مالنگا۔