کیریئر کے پہلے پانچ اووروں میں تین وکٹیں

سری لنکا نےدوسرے روز دو مزید وکٹیں گنوا کر سکور تین سو انسٹھ رنز بنائے ہیں۔میچ میں خراب روشنی کی وجہ سے دوبارہ رک گیا ہے۔

تفصیلی سکور کارڈ

اس سے پہلے فاریز مہاروف نے کپتان مہیلا جے وردھنے کے ساتھ مل ٹیم کا سکور دو سو اکانوے رنز تک پہنچا دیا۔ مہاریز مہاروف کو پہلا ٹیسٹ کھیلنے والے ساجد محمود نے آؤٹ کیا۔

میچ کی دوسری اننگز میں تیسرے روز کے کھیل کے اختتام پر سری لنکا کے ایک سو تراسی کے سکور پر تین کھلاڑی آؤٹ ہو چکے تھے۔

دوسری اننگز میں سری لنکا کی طرف سے سنگاکارا نے پینسٹھ اور تھرنگا نے باون رن بنائے۔ دونوں کو مونٹی پنیسر نے آؤٹ کیا۔ کپتان مہیلا جے وردھنے نصف سنچری بنا چکے ہیں۔ ان کا ساتھ نائٹ واچ مین فرویز مہاروف دے رہے ہیں۔

اس سے قبل انگلینڈ نے تیسرے روز سری لنکا کو فالو آن پر مجبور کر دیا تھا۔ انگلینڈ کے چھ وکٹوں پر پانچ سو اکیاون رن کے جواب میں سری لنکا کی ٹیم ایک سو بانوے رن بنا کر آؤٹ ہو گئی تھی۔

پہلی اننگز میں سری لنکا کی طرف سے سب سے زیادہ رن اکسٹھ جے وردھنے نے بنائے تھے۔

انگلینڈ کی طرف سے میتھیو ہوگارڈ نے چار اور ساجد محمود نے جن کا یہ پہلا ٹیسٹ میچ ہے تین کھلاڑی آؤٹ کیے تھے۔

اسی دوران ہوگارڈ نے اپنے کیریئر کی دو سو وکٹیں بھی مکمل کر لیں۔ سری لنکا کی پہلی اننگز کے اختتام تک وہ دو سو ایک کھلاڑی آؤٹ کر چکے تھے۔
انگلینڈ کی ٹیم
اینڈریو فلنٹاف، مارکس ٹریسکوتھک، اینڈریو سٹراس، ایلیسٹر کک، کیون پائٹرسن، پال کالنگوڈ، گرائنٹ جونز، مونٹی پنیسر، لیام پلنکٹ، میتھیو ہوگارڈ اور ساجد محمود۔

سری لنکا کی ٹیم
جے وردھنے(کپتان)، یو تھارنگا، جے مبارک، کے سنگاکارا، سماراویرا، ٹی دلشن، سی کاپوگیدرا، فرویز مہاروف، چمندا واس، ایم مرلی دھرن اور این کالو سیکارا۔