پاکستان میں ہاکی کا کھیل عدم دلچسپی کا شکار ہے

انگلینڈ اور پاکستان دونوں چین میں ہونے والے ٹورنامنٹ کے اس میچ سے پہلے ہی عالمی مقابلوں میں حصہ لینے کے اہل قرار پا چکے ہیں۔

انگلینڈ کی ٹیم کے مینیجر پیٹ نکلسن کا پاکستان کے خلاف فتح پر کہنا تھا کہ ’تماشائی اس کھیل سے بہت محظوظ ہوئے اور بہت اچھی ہاکی دیکھنے کو ملی‘۔ ’ہمیں بہت خوشی ہے کہ ہم نے سیمی فائنل میں نیوزی لینڈ کے ہاتھوں شکست کے بعداچھے کھیل کا مظاہرہ کیا‘۔

ان کا کہنا تھا کہ دنیا کی ایک بہترین ٹیم کو ہرانا ایک عمدہ کام ہے اور ہمیں خوشی ہے کہ ہم تیسری پوزیشن لے کر وطن واپس جا رہے ہیں۔

ٹورنامنٹ میں نیو زی لینڈ نے پہلی اور جنوبی کوریا نے دوسری پوزیشن حاصل کی۔ہاکی کا عالمی کپ چھ ستمبر سے جرمنی میں شروع ہو رہا ہے۔

عالمی کپ میں حصہ لینے والی ٹیموں میں پاکستان، آسٹریلیا، جرمنی، ہالینڈ،
نیوزی لینڈ، ہسپانیہ، انڈیا، ارجنٹینا، انگلینڈ، جاپان، جنوبی کوریا اور جنوبی افریقہ شامل ہیں۔