 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
’کھلاڑی نسلی زیادتی کانشانہ بنے‘ | ||||||||||||||||||||||||||||||||||||||||
بین الاقوامی کرکٹ کونسل (آئی سی سی) نےکہا ہے کہ جنوبی افریقہ کی ٹیم جب حال میں آسٹریلیا گئی تھی تو اس کے کھلاڑیوں کو نسلی زیادتیوں کا نشانہ بنایا گیا تھا۔ کرکٹ کونسل کی رپورٹ میں کہا گیا ہے کہ یہ کارروائی طے شدہ تھی اور سوچی سمجھی تدبیر کے تحت پورے منصوبے کے ساتھ کی گئی تھی۔ رپورٹ میں کہا گیا ہے کہ آسٹریلیا کے اس سنگین مسئلے کا تعلق کھیل دیکھنے والے شائقین سے ہے۔ آئی سی سی نے جنوبی افریقہ اور سری لنکا کے کھلاڑیوں کی شکایت کے بعد بھارت کے سولِسٹر جنرل گولام وہان وتی کو تفتیش کے لیئے مقرر کیا تھا۔ مسٹر وہان وتی نے اپنی رپورٹ میں کہا ہے کہ جنوبی افریقہ کے کھلاڑیوں ہرشل گبز، شون پولاک، آندرے نیل اور بواتا ڈپنار کو سیریز کے دوران کسی نہ کسی مرحلے پر نسلی زیادتی کا سامنا کرنا پڑا۔ انہوں نے کہا کہ اس نسلی زیادتی کو آسٹریلیا میں بسنے والے جنوبی افریقہ کے شہریوں کے سر نہیں تھوپا جا سکتا اور نہ ہی اِسے کثرت شراب نوشی کا نتیجہ قرار دے کر جان چھڑائی جا سکتی ہے۔ آئی سی سی کے چیف ایگزیکٹو میلکم سپیڈ کے مطابق وہ جنوبی افریقہ کے یونائیٹڈ کرکٹ بورڈ کے سربراہ جیرالڈ مجولہ اور آسٹریلوی کرکٹ بورڈ کے سربراہ جیمز سدرلینڈ کے جلد ملاقات کریں گے اور اگر ضروری ہوا تو 30 اپریل کو ہونے والے اجلاس میں آئی سی سی کی اینٹی ریسزم پالیسی میں تبدیلیوں کے بارے میں تجاویز دیں گے۔ |  اسی بارے میں  آسٹریلیا کی جنوبی افریقہ پر فتح05 March, 2006 | کھیل ’سپر سب‘ کا قانون مسترد25 February, 2006 | کھیل تاریخ ساز میچ، جنوبی افریقہ فاتح12 March, 2006 | کھیل آسٹریلیا نےجنوبی افریقہ کو ہرا دیا18 March, 2006 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
