 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
بھارت کی عالمی رینکنگ کم ہوگئی | ||||||||||||||||||||||||||||||||||||||||
کراچی ٹیسٹ میچ میں بھارتی ٹیم کی پاکستان کے ہاتھوں شکست سے اسے ٹیسٹ سیریز ایک صفر سے ہارنے کے باعث آئی سی سی کی درجہ بندی کے چار پوائنٹس سے ہاتھ دھونے پڑ گئے ہیں۔ نتیجہ یہ ہوا ہے کہ بھارتی ٹیم کے پوائنٹس 115 سے کم ہو کر 111 رہ گئے ہیں جس کے سبب بھارت کی ٹیسٹ رینکنگ ایک درجے کم ہو کر تیسرے نمبر پر آ گئی۔ بھارتی ٹیم کے لیے بری خبر ہے تو پاکستان کی ٹیم کو اپنی اس شاندار کارکردگی کے سبب اچھی خبر ملی۔ گو کہ پاکستان کی ٹیم اس فتح کے باوجود آئی سی سی کی درجہ بندی میں تو اپنے پرانے مقام یعنی چوتھے نمبر پر ہی ہے لیکن پاکستان کو اس کامیابی کے سبب پانچ پوائنٹس ملے ہیں اور پاکستان کی ٹیم کے پوائنٹس 103 سے بڑھ کر 108 ہو گئے اور اب وہ اپنے روایتی حریف ملک بھارت سے محض تین پوائنٹ ہی پیچھے ہے۔ بھارت کی ٹیم اول نمبر کی ٹیم آسٹریلیا کے بعد نمبر دو کی پوزیشن پر صرف ایک ماہ ہی رہ سکی اور یہ دوسری پوزیشن اسے سری لنکا کے خلاف ہوم سیریز میں 0-2 کی فتح کے بعد حاصل ہوئی تھی۔
یہ پوزیشن اس نے انگلینڈ کی ٹیم سے چھینی تھی اور اب بھارتی ٹیم کو ہونے والےچار پوائنٹس کے نقصان سے انگلینڈ کی ٹیم کو پھر دوسری پوزیشن حاصل ہو گئی ہے۔ مجموعی طور پر ٹیم کی پوزیشن کے کم ہونے کے ساتھ بھارتی کھلاڑیوں کو انفرادی طور پر بھی دھچکا لگا۔ کراچی ٹیسٹ کی دونوں اننگز میں ناکامی بھارتی ٹیم کے کپتان راہول ڈراوڈ کو مہنگی پڑی اور وہ بیٹس مینوں کی درجہ بندی میں پانچویں سے چھٹی پوزیشن پر آگئے اور یہ دو سال میں ان کی کم ترین رینکنگ ہے۔ راہول ڈراوڈ ہی نہیں وریندر سہواگ ساتویں سے نویں پوزیشن پر آ گئے۔سچن تندولکر کی تنزلی ایک درجے کی ہوئی اور وہ گیارویں سے بارویں نمبر پر آ گئے۔ وی وی لکشمن اکیسویں درجے سے تئیسویں درجے پر آگئے۔ نئی رینکنگ کے تحت یونس خان ایک درجے اوپر آ گئے ہیں اور اب ساتویں نمبر پر ہیں۔ محمد یوسف کو بھی فائدہ ہوا ہے اور وہ آٹھویں نمبر پر پہنچ گئے۔ کامران اکمل کی چھلانگ کافی لمبی رہی انہوں نے چودہ درجے ترقی پائی اور پچاسویں پوزیشن سے چھتسویں نمبر پر آ گئے۔ بھارت کی کراچی ٹیسٹ میچ میں شکست کے باوجود بھارتی میڈیم پیس بالر عرفان پٹھان کی ہیٹ ٹرک نے ان کی درجہ بندی کو تین درجے اوپر کر دیا اور وہ اب بارویں نمبر پر ہیں۔ ابھرتے ہوئے نوجوان پاکستانی بالر محمد آصف کی کو اس جیت سے بہت زیادہ فائدہ ہوا ہے۔ کراچی ٹیسٹ میچ کی دونوں اننگز میں اپنی بہترین بالنگ سے محمد آصف چونسٹھ درجے اوپر آ ئے ہیں اور 124 ویں پوزیشن سے 60 ویں پوزیشن پر پہنچ گئے ہیں۔ |  اسی بارے میں  اکمل اور رزاق میچ چھین کر لے گئے01 February, 2006 | کھیل کراچی ٹیسٹ اور سیریز کی جیت01 February, 2006 | کھیل نصف سینچریوں کاعالمی ریکارڈ 01 February, 2006 | کھیل انضمام اور کامران بہترین کھلاڑی31 January, 2006 | کھیل | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
