 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
بھارتی بلے بازوں کی شاندار بیٹنگ | ||||||||||||||||||||||||||||||||||||||||
لاہور کے باغِ جناح میں بلے بازوں کی پر اعتماد بیٹنگ کی بدولت بھارت نے پاکستان اے کے خلاف تین روزہ میچ کے پہلے دن کا کھیل ختم ہونے پر دو سو اٹھانوے رن بنائے اور اس کے چار کھلاڑی آؤٹ ہوئے۔ جب کھیل ختم ہوا تو وی وی ایس لکشمن پچیس اور یوراج سنگھ گیارہ رن پر ناٹ آؤٹ تھے۔ دورۂ پاکستان کے افتتاحی میچ میں بھارت نے ٹاس جیت کر پہلے کھیلنے کا فیصلہ کیا اور وسیم جعفر اور گوتم گمبھیر نے اپنی ٹیم کو ایک پر اعتماد آغاز فراہم کیا۔ ان دونوں بلے بازوں نے پہلی وکٹ کی شراکت میں 81 رن بنائے۔ اس موقع پرگوتم گمبھیر 53 رن بنا کر محمد ارشاد کی گیند پر راؤ افتخار کے ہاتھوں کیچ ہوگئے۔ گوتم گمبھیر کے آؤٹ ہونے کے بعد وسیم جعفر اور راہول ڈراوڈ نے پاکستانی بالروں کا جم کر مقابلہ کیا اور ٹیم کے سکور کو 153 تک لے گئے۔ بھارت کی دوسری وکٹ 153 کے مجموعی سکور پر ہی گری جب وسیم جعفر 58 رن بنا کر عمرگل کی گیند پر وکٹوں کے پیچھے کیچ ہوگئے۔ کپتان راہول ڈراوڈ اور سچن تندولکر نے تیسری وکٹ کے لیے 77 رن کا اضافہ کیا۔ راہول ڈراوڈ 63 رن بنا کر آؤٹ ہوئے۔ انہیں عمران فرحت کی گیند پر حسن رضانے کیچ کیا۔ بھارت کی چوتھی وکٹ اس وقت گری جب سچن تندولکر 74 رن بنا کر یاسر عرفات کی گیند پر وکٹ کیپر ذوالقرنین حیدر کے ہاتھوں کیچ ہو گئے۔ اس وقت بھارت کا سکور 279 رن تھا۔ پاکستان کی جانب سے یاسر عرفات، عمر گل، محمد ارشاد اور عمران فرحت نے نے ایک، ایک وکٹ حاصل کی۔ پاکستان اے: عمران فرحت، فیصل اقبال، محمد وسیم، حسن رضا، بازید خان، عاصم کمال، ذوالقرنین حیدر، محمد ارشاد، راؤ افتخار، منصور امجد، عمر گل، یاسر عرفات بھارت: گوتم گمبھیر، وسیم جعفر، راہول ڈراوڈ، سچن تندولکر، وی وی ایس لکشمن، یوراج سنگھ، مہندر دھونی، عرفان پٹھان، اجیت اگرکر، ہربھجن سنگھ، ظہیر خان، ردرا پرتاپ سنگھ |  اسی بارے میں | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
’دورہ پاکستان، خاص منصوبہ نہیں‘
