میراڈونا 1986 فٹبال ورلڈ کپ میں ارجنٹائن کے کپتان تھے

یہ پہلا موقع ہے کہ میرا ڈونا نے اس مخصوص گول کے بارے میں عوامی طور پر کوئی بات کی ہو۔ ان کے اس گول کو ’ہینڈ آف گاڈ‘ یا دستِ خدائی کہا جاتا ہے۔

اپنے ٹی وی شو پر بات کرتے ہوئے میرا ڈونا کا کہنا تھا کہ انہوں نے فٹبال پر ہاتھ مارنے کا فیصلہ اس لیے کیا تھا کیونکہ برطانوی گول کیپر پیٹر شلٹن بہت طویل قامت تھے۔

میرا ڈونا نے بتایا کہ انہیں نہیں لگتا تھا کہ وہ گول کیپر کے اوپر سے اپنے سر کے ذریعے گیند گول میں پہنچا سکتے ہیں۔

میرا ڈونا نے حال ہی میں ارجنٹائن کے ٹی وی پر ایک ٹاک شو کی میزبانی سنبھالی ہے اور ان کا یہ پروگرام ابتداء سے ہی ملک کے مقبول ترین پروگراموں میں شامل ہو گیا ہے۔