فلنٹاف نے میچ میں نو چھکے لگائے

فلِنٹاف کو مین آف دا میچ قرار دیا گیا ہے۔

آسٹریلیا کو جیت کے لیے صرف تین رنز درکار تھے جب آخری بیٹسمین مائکل کسپروِچ بیس کے سکور پر وکٹ کے پیچھے کیچ ہوگئے۔

انہوں نے بریٹ لی کے ساتھ آخری وکٹ کی شراکت میں انسٹھ رنز بنائے۔ بریٹ لی نے تینتالیس رنز بنائے اور ناٹ آؤٹ رہے۔

ایجبسٹن میں ہونے والے اس میچ کے چوتھے روز آسٹریلیا کے بیٹسمین ایک سو پچھہتر رنز آٹھ کھلاڑی آؤٹ پر میدان میں اترے۔ میچ جیتنے کے لیے آسٹریلیا کو ایک سو سات رنز دکار تھے۔

شین وارن نے اپنی بیٹنگ صلاحیتوں کا لوہا منواتے ہوئے بیالیس رنز بنائے اور آسٹریلیا کے سکور کو دو سو بیس رنز تک لے گئے۔ اس موقع پر وہ ہٹ وکِٹ ہوگئے۔

اس قبل میچ کے تیسرے دن آسٹریلیا دو سو بیاسی رن کے ہدف کا پیچھا کرتے ہوئے ایک سو پچھہتر رن پر آٹھ وکٹیں کھو چکا تھا اور اسے پانسا پلٹنے کے لیے ایک سو سات رن درکار تھے۔ آسٹریلیا کے بلے باز اپنا روایتی کھیل پیش نہ کر سکے اور وقفے وقفے سے آؤٹ ہوتے رہے۔

اینڈریوفلنٹاف کی جارحانہ بلے بازی اور شاندار بالنگ کی بدولت ایجبسٹن میں کھیلے جانے والے ایشز سیریز کے دوسرے ٹیسٹ کے تیسرے دن انگلینڈ کے میچ جیتنے کے امکان روشن ہوگئے تھے۔

انگلینڈ نے پہلی اننگز میں نناوے رن کی سبقت حاصل کرنے کے بعد دوسری اننگز میں ایک سوبیاسی رن بنا کر آسٹریلیا کو میچ جیتنے کے لیے دو سو بیاسی رن کا ہدف دیا۔

فلنٹاف نے ایشز کے کسی میچ میں زیادہ سے زیادہ چھکے لگانے کا ریکارڈ بھی توڑ دیا۔انہوں نےاس میچ میں نو چھکے لگائے۔ اس سے قبل یہ ریکارڈ برطانوی آل راؤنڈر این بوتھم کے پاس تھا۔ انہوں نے ایشز کے ایک میچ میں سات چھکے لگائے تھے۔

انگلینڈ کی ٹیم اپنی پہلی اننگز میں چار سو سات رن بنا کر آؤٹ ہو گئی تھی۔ انگلینڈ کی اننگز میں فلنٹاف، ٹریسکوتھک، پیٹرسن اور اینڈریو سٹراس نمایاں رہے تھے۔ ٹریسکوتھک نے نوے، پیٹرسن نے اکہتر، فلنٹاف نے اڑسٹھ اور سٹراس نے اڑتالیس رن بنائے۔

آسٹریلیا کی طرف سے شین وان نے پچیس عشاریہ دو اوور میں ایک سو سولہ رن دے کر چار کھلاڑیوں کو آؤٹ کیا۔ کیسپروچ نے تین، گلیپسی نے دو اور بریٹ لی نے ایک کھلاڑی کو آؤٹ کیا۔

بریٹ لی نے ایک ہی اوور میں ٹریسکوتھک اور وان کو آؤٹ کیا

آسٹریلوی ٹیم: لینگر، ہیڈن، پونٹنگ، مارٹن، کلارک، کیٹچ، گلکرسٹ، شین وان، بریٹ لی، گلپسی اور کیسپروچ۔

انگلینڈ ٹیم: ٹریسکوتھک، سٹراس، وان، بیل، پیٹرسن، فلنٹاف، گیرڈ جانز، جائلز، ہوگارڈ، ہارمیسن، اور ایس پی جونر۔