 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
انگلینڈ دوسرے دن آسٹریلیا پر حاوی | ||||||||||||||||||||||||||||||||||||||||
ایجبسٹن میں کھیلے جانے والے ایشز سیریز کے دوسرے ٹیسٹ کے دوسرے روز آسٹریلیا کی پوری ٹیم 308 رنز بنا کر آؤٹ ہو گئی۔ اس کے جواب میں انگلینڈ کی ٹیم نے کھیل ختم ہونے تک پچیس رنز بنائے تھے اور اس کا ایک کھلاڑی ہو چکا تھا۔ آؤٹ ہونے والے بیٹسمین سٹراس تھے جو شین وارن کی ایک خطرناک لیگ بریک پر آؤٹ ہو گئے۔ انہوں نے چھ رنز بنائے۔ انگلینڈ کی طرف سے فلنٹوف نے باون رنز دے کر تین کھلاڑی آؤٹ کیے، جبکہ جائلز نے بھی 78 رنز دے کر تین کھلاڑی آؤٹ ۔ جونز نے دو اور ہوگارڈ ایک کھلاڑی کو آؤٹ کیا۔ اس سے قبل آسٹریلیا کی طرف سے جسٹن لینگر نے اکسٹھ جبکہ کپتان رِکی پونٹنگ نے اکسٹھ رنز بنائے۔ ایڈم گلکرسٹ انچاس رنز بنا کر آؤٹ ہوئے۔ اس سے پہلے انگلینڈ کی ٹیم چار سو سات رن بنا کر آؤٹ ہو گئی تھی۔ انگلینڈ کی اننگز میں فلنٹاف، ٹریسکوتھک، پیٹرسن اور اینڈریو سٹراس نمایاں رہے تھے۔ ٹریسکوتھک نے نوے، پیٹرسن نے اکہتر، فلنٹاف نے اڑسٹھ اور سٹراس نے اڑتالیس رن بنائے۔ آسٹریلیا کی طرف سے شین وان نے پچیس عشاریہ دو اوور میں ایک سو سولہ رن دے کر چار کھلاڑیوں کو آؤٹ کیا۔ کیسپروچ نے تین، گلیپسی نے دو اور بریٹ لی نے ایک کھلاڑی کو آؤٹ کیا۔ بریٹ لی نے ایک سو گیارہ رن دیے اور انہوں نے انگلینڈ کے خطرناک بلے باز پیٹرسن کی وکٹ حاصل کی۔ ٹریسکوتھک، فلنٹاف اور پیٹرسن نے جارحانہ کھیل پیش کیا۔ ٹریسکوتھک نے اپنی اننگز میں پندرہ چوکے اور دو چھکے لگائے۔ جبکہ فلنٹاف نے پانچ چھکے اور چھ چوکے اور پیٹرسن نے دس چوکے اور ایک چھکا لگایا۔ اینڈریو سٹراس کی اڑتالیس رنز کی اننگز میں بھی دس چوکے شامل تھے۔ اس میچ میں آسٹریلیا کے مایہ ناز بالر میگرا کی عدم موجودگی کےباوجود آسٹریلوی کپتان نے ٹاس جیت کر انگلینڈ کو کھیلنے کی دعوت دی۔ میگرا کی کمی شروع ہی سے محسوس ہونے لگی اور کھانے کے وقفے تک آسٹریلیا نے ستائیس اوور کیے جن میں انہوں نے ایک سو بتیس رن دئے اور وہ صرف اوپنر اینڈریو سٹراس کو آؤٹ کرنے میں کامیاب ہوئے۔ کھانے کے وقفے کے بعد اور چائے کے وقفے سے پہلے آسٹریلیا نے ستائیس اوور ہی کئے جن میں انہوں نے ایک سو ستاون رن دے کر تین کھلاڑیوں کو آؤٹ کیا۔ کھانے کے وقفے سے ذرا پہلے اینڈریوسٹراس اڑتالیس رن بنانے کے بعد شین وان کی گیند پر بولڈ آؤٹ ہو گئے۔ چائے کے وقفے اور کھیل ختم ہونے تک انگلینڈ کی باقی وکٹیں گر گئیں۔ انگلینڈ نے پہلے دن پانچ رن فی اوور کی اوسط سے رن بنائے۔ کھانے کے وقفے کے بعد انگلینڈ کے تین کھلاڑی ٹریسکوتھک نوے رن بنا کر، وان چوبیس رن بنا کر اور بیل چھ رن بنا کر آؤٹ ہو گئے ۔ تاہم اس کے بعد فلنٹاف اور پیٹرسن کے درمیان ایک شاندار شراکت ہوئی۔
میگرا کومیچ سے قبل ایڑھی میں چوٹ لگ جانے کے باعث ٹیم میں شامل نہیں کیا گیا ہے۔ میگرا کی تباہ کن بالنگ کی وجہ سے آسٹریلیا نے انگلینڈ کو ایشز سیریز کے پہلے میچ میں شکست سے دوچار کر دیا تھا۔ آسٹریلوی ٹیم: لینگر، ہیڈن، پونٹنگ، مارٹن، کلارک، کیٹچ، گلکرسٹ، شین وان، بریٹ لی، گلپسی اور کیسپروچ۔ انگلینڈ ٹیم: ٹریسکوتھک، سٹراس، وان، بیل، پیٹرسن، فلنٹاف، گیرڈ جانز، جائلز، ہوگارڈ، ہارمیسن، اور ایس پی جونر۔ | 
| ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
یہ صفحہ دوست کو ای میل کیجیئے
پرِنٹ کریں
