گنگولی نے 272 میچوں میں 10،000 رن مکمل کیے

انہوں نے یہ کارنامہ سری لنکا میں جاری سہ فریقی کرکٹ سیریز کے میچ میں سری لنکا کے خلاف کھیلتے ہوئے سر انجام دیا۔

اس میچ میں گنگولی نے 51 رن بنائے لیکن وہ اپنی ٹیم کو شکست سے نہ بچا سکے۔

اس میچ کے آغاز سے قبل گنگولی کو دس ہزار رن مکمل کرنے کے لیے تینتیس رن کی ضرورت تھی۔ تینتیس سالہ گنگولی نے یہ سنگِ میل اپنے دو سو بہترویں بین الاقوامی ون ڈے میں عبور کیا۔

گنگولی سے قبل دس ہزار رن بنانے کا اعزاز بھارت کے سٹار بلے باز سچن تندولکر اور پاکستانی ٹیم کے کپتان انضمام الحق کو حاصل ہے۔