کالنگوڈ ایک ہی میچ میں سنچری بنانے اور چھ وکٹیں لینے والے پہلے کھلاڑی

جواب میں بنگلہ دیش کی ٹیم چھیالیسویں اوور میں 223 رن پر آؤٹ ہو گئی اور اس طرح انگلینڈ نے یہ میچ 168 رن سے جیت لیا۔

ایک روزہ مقابلوں کی ریکارڈ اننگز سری لنکا: 96/1995 کینیا کے خلاف پانچ وکٹ پر 398 انگلینڈ: 2005 بنگلہ دیش کےخلاف چار وکٹ پر 391 بھارت:2000/1999 نیوزی لینڈ کے خلاف دو وکٹ پر 376 بھارت: 1999 سری لنکا کے خلاف چھ وکٹ پر 373 پاکستان:97/1996 سری لنکا کے خلاف نو وکٹ پر 371

کالنگوڈ نے ایک سو بارہ رن بنائے اور آؤٹ نہیں ہوئے اور پھر دس اوور میں اکتیس رن دے کر بنگلہ دیش کے چھ کھلاڑی آؤٹ کیے۔

بنگلہ دیش کی طرف سے سب سے اچھی کارکردگی محمد اشرفل کی تھی جنہوں نے باون گیندوں پر چورانوے بنائے۔

انگلینڈ کی طرف سے اینڈریو سٹراس نے ایک سو باون رن بنائے اور کالنگوڈ کے ساتھ مل کر دو سو دس رن کی شراکت کی۔ انگلینڈ کے اووپنر مارکس ٹریسکوتھک نے پچاسی رن بنائے۔ سٹراس کا اننگز کے آغاز میں دو بار کیچ چھوڑا گیا۔

انڈریو سٹراس کے 152 رن انگلینڈ کی طرف سے ایک روزہ میچوں میں کسی بھی بلّے باز کا تیسرا بڑا سکور ہے۔ انگلینڈ کی طرف سے سب سے زیادہ سکور 167 ہے جو رابن سمتھ نے 1993 میں آسٹریلیا کے خلاف بنایا تھا۔ ڈیوڈ گاور نے
83/1982 میں نیوزی لینڈ کے خلاف 158 رن بنائے تھے۔