 |  صدر مشرف بھارتی وزیرِ اعظم سے بھی ملاقات کریں گے |
بھارت نے اِس بات کا اِ علان کیا ہے کہ صد ر پاکستان جنرل پرویز مشرف پاک بھارت کرکٹ سریز دیکھنے کے لیے اپریل کِے وسط میں بھارت آئینگے۔ بھارتی وزیراعظم من موھن سنگھ کے ترجمان نے بی بی سی کو بتایا کہ جنرل پرویز مشرف17 اپریل کو دہلی میں ہونے والا ایک روزہ میچ دیکھیں گے۔ یہ پاکستان کے دورہ بھارت کا آخری میچ ھوگا۔ ترجمان کے مطابق صد ر پاکستان میچ دیکھنے کے علاوہ بھارتی وزیراعظم سے بھی ملاقات کریں گے۔ واضح رھے کہ صدر مشرف کی جانب سے میچ دیکھنے کی خواہش کے اظہار کے بعد ، بھارتی وزیراعظم نے جنرل مشرف کو کرکٹ دیکھنے کے لیے دورہ بھارت کی دعوت دی تھی۔ پاکستان اور بھارت کے درمیان دوسرا ٹسیٹ میچ کولکتہ میں جاری ہے۔ یاد رہے کہ دونوں ممالک کے درمیان ہونے والا پہلا ٹسیٹ میچ موہالی میں بغیر ہار جیت کے ختم ہو گیا تھا۔ کرکٹ کے ہزاروں پاکستانی پرستار سیریز دیکھنے کے لیے بھارت جانے کا ویزا حاصل کرچکے ہیں۔ جنرل مشرف کی جانب سے کرکٹ دیکھنے کے فصیلے کو ’کرکٹ ڈپلومیسی‘ کا نام دیا جا رہا ہے۔اِس سے قبل 1987 میں، جب دونوں ممالک کے درمیان سخت کشیدگی پائی جاتی تھی، صدر جنرل ضیا الحق جےپور میں ہونے والا کرکٹ میچ دیکھنے گئے تھے۔ یاد رہے کہ گذشتہ سال، جنرل مشرف پاکستان کے شہر راولپنڈی میں ہونے والے پاک بھارت میچ کو دیکھنے تھوڑی دیر کے لیے سٹیڈیم بھی آئے تھے۔ دو طرفہ تعلقات میں کھیلوں کی سطع پر تعلقات کافی اہمیت رکھتے ہیں اور حالیہ
دور میں یہ بہت متاثر بھی ہوۓ ہیں۔ گذشتہ برس بھارتی کرکٹ ٹیم کے دورہ پاکستان کو کافی اہمیت دی گئی اور اِسے ایک عظیم کامیابی بھی قرار دیا گیا۔ | 
یہ صفحہ دوست کو ای میل کیجیئے
پرِنٹ کریں
