انضمام اور کمبلے پر دونوں ٹیمیں انحصار کریں گی

بی بی سی سے بات کرتے ہوئے انہوں نے کہا کہ ’ میرا خیال ہے کہ اگر ہم بولنگ کی بات کریں تو بھارت کا انحصار بہت حد تک انیل کمبلے پر ہوگا۔ وہ اگر پر فارمنس دے تو میچ کی صورتحال دو گھنٹے میں بدل سکتا ہے۔‘

ان کا یہ بھی کہنا تھا کہ ’ پاکستان کے لیے انضمام اہم ترین مہرہ ہیں۔ بھارت کے خلاف وہ شاندار ریکارڈ کے مالک ہیں اور موجودہ حالات میں وہ بہترین کارکردگی دکھا سکتے ہیں‘۔

انیل کمبلے نے اب تک پاکستان کے خلاف چھ ٹیسٹ میچوں میں سینتیس وکٹ حاصل کیے ہیں جن میں 99 / 1998 میں دہلی ٹیسٹ کی ایک اننگز میں حاصل کردہ دس وکٹیں بھی شامل ہیں۔

پاکستان کے کپتان انضمام الحق نے بھارت کے خلاف 34.66 کی اوسط سے رنز بنائے ہیں۔ یہ اوسط ان کی مجموعی بیٹنگ اوسط سے خاصی کم ہے۔

نام بڑے اور۔۔۔۔۔۔  بڑے نام بڑی پرفارمنس دیں گے تو بات بنے گی کپل دیو

کپل دیو کا خیال ہے کہ منگل سے شروع ہونے والا موہالی ٹیسٹ اس سیریز کے رجحان کو طے کرنےمیں فیصلہ کن ثابت ہو سکتا ہے۔

کپل نے کہا کہ ’ میرے نزدیک پہلا ٹیسٹ بہت اہم ہے۔ کاغذوں پر تو بھارتی ٹیم کا پلہ بھاری دکھائی دیتا ہے لیکن یہ بات بھی دھیان میں رکھنی چاہیے کہ کبھی کبھی کسی ایک کھلاڑی کی بہترین کارکردگی ہی میچ کا پانسہ پلٹ دیتی ہے‘۔

کپل دیو کا خیال ہے کہ پہلے ٹیسٹ کے دوران دونوں ٹیمیں ایک دوسرے کو سمجھنے کی کوشش کریں گی لیکن ساتھ ہی ان کا کہنا ہے کہ اس ٹیسٹ میں جارحانہ حکمتِ عملی ہی فائدہ مند ثابت ہو سکتی ہے۔