مناء رانا لاہور

جرمنی اور نیوزی لینڈ کی میچ کی جھلکیاں

چمپئنز ٹرافی میں چھٹے نمبر پر رہنے والی ٹیم اگلی چمپئنز ٹرافی کھیلنے کے حق سے محروم ہو جاتی ہے لہذا نیوزی لینڈ اگلے سال بھارت کے شہر چنئی میں ہونے والی چمپئنز ٹرافی میں شرکت نہیں کر سکے گا۔

میچ کا پہلا گول تینتالیسویں منٹ میں جرمنی کے فلورین کیلر نے کیا۔
جرمنی کے جانب سے دوسرا گول اولیور نے تریپنوے منٹ میں کیا۔ یہ دونوں فیلڈ گول تھے۔

پہلے حاف کے اختتام پر میچ صفر صفر سے برابر تھا۔ جرمنی کو تین پینیلٹی کارنرز بھی ملے لیکن وہ ضائع ہوئے۔0

نیوزی لینڈ نے اپنا واحد گول میچ ختم ہونے سے چھ منٹ پہلے کیا یہ گول بیون ہاری نے کیا۔

مجوعی طور پر جرمنی نے نیوزی لینڈ کی ٹیم سے بہت بہتر کھیل پیش کیا۔ نیوزی لینڈ کے کمزور کھیل کا اندازہ اس بات سے بھی لگایا جا سکتا ہے کہ جرمنی کے چار پینلٹی کارنر کے مقابلے میں نیوزی لینڈ کی ٹیم کوئی پینلٹی کارنر حاصل نہ کر سکی۔

جرمنی کی ٹیم نے اس ٹورنامنٹ میں ہر میچ میں بہتر سے بہتر کھیل پیش کرنے کی کوشش کی اور اس وقت سب کو حیران کر دیا جب اس نے ایک پول میچ میں ٹورنامنٹ کی ٹاپ ٹیم ہالینڈ کو ہرا دیا۔

ٹورنامنٹ کے آغاز میں جرمنی کے کوچ برن ہارڈ پیٹر نے کہہ دیا تھا کہ ان کی ٹیم نوجوان کھلاڑیوں پر مشتمل ہے اس لیے وہ پانچویں نمبر پر آنے کی کوشش کریں گے اور انہوں نے اپنی یہ بات پوری کر دی۔