سبیر بھومک بی بی سی آن لائن، کلکتہ

رنبیر سنگھ مہندر کو ڈالمیا کی حمایت حاصل تھی۔

اس سے پہلے انتخابات کے طریقہ کار پر اختلاف کی وجہ سے کارروائی میں کئی گھنٹوں کی تاخیر ہوئی۔

اختلافات اس وقت پیدا ہوئے جب بدھ کے روز مدراس کے ہائی کورٹ کے ایک جج کے حکم پر سپریم کورٹ کے ایک سابق جج کلکتہ پہنچے تاکہ وہ بورڈ کے الیکشن کی نگرانی کرسکیں۔ تاہم بورڈ کے سابق صدر ڈالمیا نے انہیں ایسا کرنے سے انکار کردیا اور بعد میں مدراس ہائی کورٹ نے ان کے حق میں فیصلہ دیا اور جج کو الیکشن کی کارروائی میں شامل نہیں کیا گیا۔

سابق صدر جگ موہن ڈالمیا اور ان کے ساتھیوں نے مسٹر مہندرا کی حمایت کی۔

مسٹر مہندرا نے الیکشن کے بعد کہا کہ وہ چاہتے ہیں کہ کرکٹ سیاستدانوں سے دور رہے۔ انہوں نے کہا کہ انہیں اپنی کامیابی کا یقین تھا اور انہیں امید تھی کہ انہیں سترہ ووٹ مل جائیں گے۔

مسٹر مہندرا کامقابلہ مسٹر پوار سے تھا جنہیں پناجب کی کرکٹ ایسوسی ایشن نے نامزد کیا تھا۔ پنجاب کے کرکٹ بورڈ کے صدر آئی ایس بندرا مسٹر ڈالمیا اور مسٹر مہندرا کے پرانے حریف تھے۔

انڈیا میں کئی کرکٹ ایسوسی ایشنز کی سربراہی کانگریس یا ان کی حلیف جماعتوں کے سیاستدان کرتے ہیں اور مسٹر پوار انہی پر بھروسہ کررہے تھے۔ انہیں ریلوے منسٹر لالو پرساد یادیو کی حمایت بھی حاصل تھی۔