لارا 400 رنز بنانے والے واحد بلے باز

اس سے قبل انہوں نے آسٹریلیا کے میتھیو ہیڈن کا 380 رنز کا ریکارڈ توڑ دیا ہے۔

لارا نے 400 رنز ناٹ آؤٹ کے بعد اننگز ڈیکلیئر کر دی۔ ویسٹ انڈیز نے پہلی اننگز پانچ کھلاڑیوں کے نقصان پر 751 رنز بنائے ہیں۔ لارا کا ساتھ رڈلی جیکب نے دیا جو 107 رنز بنا کر ناٹ آؤٹ رہے۔

ترینیداد کے بائیں ہاتھ سے بیٹنگ کرنے والے برائن لارا نے یہ ریکارڈ 582 گیندوں میں تینتالیس چوکوں اور چار چھکوں کی مدد سے بنایا۔

گزشتہ سال آسٹریلیا کے میتھیو ہیڈن نے برائن لارا کے ریکارڈ کو توڑتے ہوئے زمبابوے کے خلاف 380 رنز بنائے تھے۔

سب سے بڑی اننگز برائن لارا 400 رنز ناٹ آؤٹ ویسٹ انڈیز بمقابلہ انگلینڈ، اینٹیگوا 2003 میتھیو ہیڈن 380 آسٹریلیا بمقابلہ زمبابوے، پرتھ 2003 برائن لارا 375 ویسٹ انڈیز بمقابلہ انگلینڈ، اینٹیگوا 1994 گیری سوبرز 365 ناٹ آؤٹ ویسٹ انڈیز بمقابلہ پاکستان، کنگسٹن 1957 لین ہٹن 364 انگلینڈ بمقابلہ آسٹریلیا، دی اوول 1938 سنتھ جے سوریا 340 سری لنکا بمقابلہ انڈیا، کولمبو 1997

لارا نے انگلینڈ کے سپنر گیرتھ بیٹی کی گیند پر لانگ آف میں ایک چھکا لگا کر میتھیو ہیڈن کا ریکارڈ برابر کیا اور اس کے بعد فائن لیگ پر چوکا لگا کر نیا عالمی ریکارڈ بنایا۔

گزشتہ روز انٹیگا میں جس وقت انگلینڈ کے خلاف جاری سیریز کے چوتھے ٹیسٹ کے دوسرے دن کا کھیل ختم ہوا تو لارا 313 رنز پر کھیل رہے تھے۔

ان تین سو تیرہ رنز کے سکور سے انہوں نے خود اپنے لیے اور اپنے ملک کے لیے ایک نیا اعزاز حاصل کیا ہے۔

لارا اس سکور کے نتیجے میں دو بار ٹرپل سنچریاں یا تین سینکڑے بنانے والے ویسٹ انڈیز کے پہلے کھلاڑی بن گئے ہیں۔

اس کے علاوہ انہوں نے ان تین سینکڑوں سے پہلی بار دو سنچریوں کا سر ڈان بریڈمین کا ستر سال سے قائم ریکارڈ بھی برابر کر دیا ہے سر بریڈمین نے بھی اپنی دوسری ٹرپل سنچری انگلینڈ کے خلاف ہیڈنگلے کے اسی گراؤنڈ پر بنائی تھی جہاں انہوں نے اپنی پہلی ٹرپل سنچری بنائی۔

لارا نے بھی اپنی پہلی ٹرپل سنچری انٹیگا میں اور انگلینڈ ہی خلاف کھیلتے ہوئے انیس سو چورانوے میں تین سو پچھتر رنز سے بنائی تھی۔

دلچسپ بات یہ ہے کہ دونوں کھلاڑیوں سر بریڈمین اور لارا نے اپنی ترپل سنچریاں انگلینڈ ہی کے خلاف بنائی ہیں۔

اپنے پہلے تین سو رنز میں انہوں نے اپنے ہی ہم وطن گیری سوبرز کا ریکارڈ توڑا تھا۔

سر بریڈمین دو بار تین سو رنز بنانے والے دنیا اور آسٹریلیا کے پہلے کھلاڑی جن کا ریکارڈ ستر سال تک قائم رہا

حنیف محمد اور گیری سوبرز کے یہ ریکارڈ سکور انیس سو ستاون میں بنے۔

لارا نے اپنی پہلی ٹرپل سنچری بھی تین سو پچھتر رنز کے ساتھ اسی گراؤنڈ پر اور انگلینڈ ہی کے خلاف کھیلتے ہوئے بنائی تھی۔