میچ کا جھکاؤ پاکستان کی طرف کرنے میں عمر گل کا کردار واضح رہا

پاکستان کی جانب سے عمر گل کی پرفارمنس شاندار رہی اور انہوں نے پانچ وکٹیں لیں۔

پاکستان کی طرف سے توفیق عمر اور عمران فرحت نے اننگز کا آغاز کیا تھا۔

توفیق عمر چوبیس رن بنا کر بالاجی جی کی گیند پر بولڈ ہو گئے۔ توفیق عمر کی جگہ یاسر حمید کھیلنے آئے۔

انڈیا کے کپتان راہول ڈراوڈ نے ٹاس جیت کر پہلے کھیلنے کا فیصلہ کیا تھا۔ انڈیا کی طرف سے آکاش چوپڑا اور وریندر سہواگ نےاننگز کا آغاز کیا لیکن آکاش چوپڑا میچ کے دوسرے ہی اوور میں محمد سمیع کی گیند پر ایل بی ڈبلیو ہو گئے۔ اس وقت انڈیا کا سکور پانچ رن تھا۔

آکاش چوپڑا کے بعد بھارتی ٹیم کے کپتان راہول ڈراوڈ کھیلنے کے لئے آئے اور تیتنتیس رن بنا کر عمر گل کی گیند پر انضمام کے ہاتھوں کیچ آؤٹ ہو گئے۔ ڈراوڈ بھارت کے آؤٹ ہونے والے پانچویں کھلاڑی تھے۔ ڈراوڈ کو آؤٹ کر کے عمر گل نے چوتھی وکٹ حاصل کی اور اپنے اگلے ہی اوور میں پی پٹتل کو بھی ایل بی ڈبلیو کر کے لاہور ٹیسٹ کی پہلی اننگز میں دس اوورز میں ستائیس رن کے عوض پانچ وکٹیں حاصل کیں۔

پٹیل کے آؤٹ ہونے کے بعد اگرکر صرف دو رن ہی بنا کر شعیب اختر کی گیند پر کوٹ بیہائنڈ ہو گئے۔ اگرکر کے بعد عرفان پٹھان کھیلنے آئے۔

وریندر سہواگ چھ چوکوں اور ایک چھکے کی مدد سے انتالیس رن بنا کر عمر گل کی گیند پر کوٹ بیہائنڈ ہو گئے۔ سہواگ کی جگہ تندولکر کھیلنے کے لئے آئے لیکن وہ بھی دو رن بنا کر عمر گل ہی کی گیند پر ایل بی ڈبلیو ہو گئے۔

تندولکر کی جگہ وی وی ایس لکشمن کھیلنے آئے اور گیارہ رن بنا کر عمر گل کی گیند پر سلپ میں توفیق عمر کے ہاتھوں کیچ آؤٹ ہو گئے۔ لکشمن کی جگہ یوراج سنگھ کھیلنے آئے اور انتہائی شاندار کارکردگی کا مظاہرہ کرتے ہوئے 112 رن بنانے کے بعد دانش کنیریا کی گیند پر کیچ آؤٹ ہو گئے۔ وہ انڈیا کے آؤٹ ہونے والے آخری کھلاڑی تھے۔

عرفان پٹھان انچاس رن بنا کر دانش کنیریا کی گیند پر کوٹ اینڈ بولڈ ہو گئے۔ عرفان کے بعد بالاجی کھیلنے آئے لیکن انہیں محمد سمیع نے اگلے ہی اوور میں آؤٹ کر دیا۔ وہ بھارت کے آؤٹ ہونے والے نویں کھلاڑی تھے۔

پاکستانی ٹیم میں جو ملتان ٹیسٹ میں ہارنے کے بعد شدید دباؤ کا شکار ہے چار تبدیلیاں کی گئی ہیں۔ معین خان کے زخمی ہونے کے باعث ان کی جگہ نوجوان وکٹ کیپر کامران اکمل کو ٹیم میں شامل کیا گیا ہے۔ اس کے علاوہ عبدالرزاق کی جگہ عاصم کمال کو تقلین مشتاق کی جگہ دانش کنیریا اور شبیر احمد کی جگہ عمر گل کو کھیلایا جا رہا ہے۔

پاکستان: عمران فرحت، توفیق عمر، یاسر حمید، انضمام الحق (کپتان)، یوسف یوحنا، کامران اکمل (وکٹ کیپر)، عاصم کمال، دانش کنیریا، شعیب اختر، محمد سمیع، عمر گل

انڈیا: آکاش چوپڑا، ورندر سہواگ، وی وی ایس لکشمن، سچن تندولکر، راہہول ڈراوڈ (کپتان)، پی اے پٹیل (وکٹ کیپر)، اے اگرکر، انیل کمبلے، آئی کے پٹھان، ایل بالاجی