بنگلور ٹیسٹ میں بھارت کا محتاط آغاز

بنگلور میں کھیلے جانے والے دوسرے ٹیسٹ میچ کے پہلے دن کے اختتام پر بھارت نے جنوبی افریقہ کے خلاف پہلی اننگز میں بغیر کسی نقصان کے 80 رنز بنا لیے ہیں۔

<link type="page"><caption> میچ کا تفصیلی سکور کارڈ</caption><url href="http://www.bbc.co.uk/sport/cricket/scorecard/ECKP90237" platform="highweb"/></link>

بھارت کو جنوبی افریقہ کی برتری ختم کرنے کے لیے مزید 134 رنز کی ضرورت ہے اور پہلی اننگز میں اس کی تمام وکٹیں باقی ہیں۔

بھارت کی جانب سے مرلی وجے اور شیکھر دھون نے اننگز کا آغاز کیا۔

اس سے پہلے جنوبی افریقہ کی پوری ٹیم پہلی اننگز میں 214 رنز بنا کر پویلین لوٹ گئی۔

جنوبی افریقہ کا آغاز اچھا نہ تھا اور صرف 78 رنز کے مجموعی سکور پر اس کے چار کھلاڑی آؤٹ ہو گئے۔

جنوبی افریقہ کی جانب سے اے بی ڈویلیئرز نے 11 چوکوں اور ایک چھکے کی مدد سے 85 جبکہ ڈین ایلگر نے دو چوکوں اور ایک چھکے کی مدد سے 38 رنز بنائے۔

ان دونوں کے علاوہ جنوبی افریقہ کے دیگر بیٹسمین بھارتی بولروں کا سامنا نہ کر سکے۔

بھارت کی جانب سے ایشون اور جڈیجا نے چار، چار کھلاڑیوں کو آؤٹ کیا۔

چار میچوں کی سیریز میں بھارت کو ایک صفر کی برتری حاصل ہے۔

موہالی میں کھیلے جانے والے پہلے ٹیسٹ میں بھارت نے جنوبی افریقہ کو 108 رنز سے شکست دی تھی۔