شاہ رخ خان کی اپنی ٹیم کولکتہ نائٹ رائیڈرز کے میچ ہارنے پر ٹویٹ
،تصویر کا ذریعہASHLEY ALLEN - CPL T20/GETTY IMAGES
بالی وڈ اداکار اور آئی پی ایل ٹیم کولکتہ نائٹ رائیڈر یعنی کے کے آر کے مالک شاہ رخ خان نے آئی پی ایل کے ایک دلچسپ مقابلے میں اپنی ٹیم کی ہار کے بعد اپنے کھلاڑیوں کا حوصلہ بڑھاتے ہوئے کہا ہے کہ 'مجھے پتہ ہے کہ ہم ہارے ہیں لیکن اگر ہم ہارے ہی ہیں تو پھر ہار کا یہی طریقہ صحیح ہے۔‘
پیر کی رات راجستھان رائلز اور کولکتہ نائٹ رائیڈرز کے درمیان کانٹے کا مقابلہ دیکھنے کو ملا۔ راجستھان رائلز نے پانچ وکٹوں پر 217 رنز بنائے جبکہ کولکتہ نائٹ رائڈرز کی ٹیم 210 رنز ہی بنا کسی۔
کے کے آر کے کپتان شریاس ائیر اور ایرون فِنچ کی نصف سینچریوں کے باوجود ٹیم ہار گئی۔
اس میچ میں یجویندر چہل نے راسجتھان رائلز کے لیے ہیٹ ٹرِک کی اور جوش بٹلر نے طوفانی سینچری بنائی۔
اس دلچسپ مقابلے میں شکست سے مایوس ٹیم کا حوصلہ شاہ رخ خان نے اپنے ہی انداز میں بڑھایا۔
ایک ٹویٹ میں انہوں نے کہا 'آپ نے اچھا کھیلا، شریاس، ایرون، امیش نے شاندار کوشش کی۔ سنیل کو 150 ویں میچ کی مبارکباد۔ مجھے پتہ ہے کہ ہم ہار گئے ہیں لیکن ہمیں ہارنا ہی ہے تو یہ طریقہ صحیح ہے۔‘
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 1
یہ بھی پڑھیے
End of سب سے زیادہ پڑھی جانے والی
شاہ رخ کی اس ٹوئٹ پر کے کے آر اور لوگوں کا رد عمل
خان کی اس ٹویٹ کے بعد لوگوں نے ٹیم کا حوصلہ پڑھانے کے لیے ان کی ستائش کی تو کچھ لوگوں نے انہیں کئی طرح کے مشورے دیے۔
کولکتہ نائٹ رائڈرز نے لکھا 'آخر دم تک، آخری رن تک'۔
شاہ رخ کی ٹویٹ پر ردِ عمل ظاہر کرتے ہوئے جاوید خان نامی صارف نے لکھا 'رات کے بعد ہی دن آتا ہے سر، ہم اور مضبوطی کے ساتھ آگے کھیلیں گے، ہمیں امید بنائے رکھنی ہے'۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 2
وہیں بظاہر ممبئی انڈینز کے ایک حامی حسین نامی صارف نے لکھا 'ہم تو چھ ہار کے بیٹھے ہیں، اب بس مکیش بھائی ہی ایک آخری امید ہیں'۔
کرم ویر نامی صارف نے لکھا 'میں اس ٹویٹ کا منتظر تھا، شریاس ائیر اس کے حقدار ہیں'۔
میچ کا ٹرنِنگ پوائنٹ
میچ کا 17 واں اوور ایک طرح سے ٹرنِنگ پوائنٹ ثابت ہوا۔ چہل نے اس اوور میں چار وکٹیں لے کر محض دو رنز دیے۔ انہیں میچ آف دی میچ قرار دیا گیا۔
چہل کی ہیٹ ٹرک کی وجہ سے 210 رنز کے سکور کے باوجود بھی کولکتہ کے چار بلے باز اپنا کھاتا ہی نہیں کھول پائے۔
