آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
ٹی ٹوئنٹی ورلڈ کپ میں پاکستان کی انڈیا کے خلاف دس وکٹوں سے جیت: سوشل میڈیا صارفین کا کوہلی کو ’نہ گھبرانے‘ کا مشورہ
پاکستان نے ٹی ٹوئنٹی ورلڈکپ میں اپنے پہلے ہی میچ میں روایتی حریف انڈیا کو دس وکٹوں سے شکست دے کر یہ میچ ہی نہیں بلکہ پاکستانی عوام کے دل بھی جیت لیے۔
ٹوئٹر پر جہاں صارفین دل کھول کر پاکستان کی کرکٹ ٹیم کو داد اور مبارکبادیں رہے ہیں وہیں کچھ صارفین ایسے بھی ہی جو انڈیا کی شکست کے بارے میں میمز شیئر کر رہے ہیں۔
کسی نے کوہلی کو ’نہ گھبرانے‘ کا مشورہ دیا تو کسی نے اس امید کا اظہار کیا کہ یہ ورلڈکپ بھی پاکستان ہی جیتے گا۔
یہ کہنا بالکل نہیں غلط نہیں ہو گا کہ پاکستان اور انڈیا کے درمیان ایک کرکٹ میچ تو دبئی کے سٹیڈیم میں ہوا لیکن ایک دوسرا میچ سوشل میڈیا پر صارفین کے درمیان بھی جاری رہا۔
صارف شیری نے پاکستان کی فتح کے بعد لکھا: ’30 سال کا جادو ختم ہوا۔ میں تقریباً رو پڑی۔‘
سماجی کارکن نگہت داد نے انڈین ٹیم کے کپتان وراٹ کوہلی کی اہلیہ اور اداکارہ انوشکا شرما کو مخاطب کرتے ہوئے لکھا: ’'انوشکا آپ نے آج کوہلی کو ڈانٹنا نہیں۔‘
پاکستانی اداکارہ مائرہ خان نے لکھا: ’اف۔۔۔ دل فخر سے پھٹ رہا ہے۔ واہ۔‘
افتحار حسین نامی صارف نے لکھا: ’اس جیت کا بہت دیر سے انتظار تھا۔‘
End of سب سے زیادہ پڑھی جانے والی
واضح رہے کہ کسی بھی آئی سی سی ورلڈ کپ میں یہ پاکستان کی انڈیا کے خلاف پہلی جیت ہے۔
یہ بھی پڑھیے
صحافی مبشر ہاشمی نے پاکستان نے کپتان بابر اعظم کی تعریف کرتے ہوئے لکھا: ’وزیر اعظم بابر اعظم۔‘
یاد رہے کہ انڈیا کے خلاف اس میچ میں پاکستانی ٹیم کے کپتان بابر اعظم 68 رنز بنا کر ناٹ آؤٹ رہے۔
دوسری جانب انڈیا میں بعض صارفین کپتان وراٹ کوہلی کی کپتانی پر سوال کر رہے ہیں۔
انوراگ لکھتے ہیں کہ ’اگر وراٹ کوہلی کو کوئی شرم ہے تو ابھی (کپتانی سے) استعفیٰ دیں۔ ٹیم میں کوئی حوصلہ نہیں۔‘
تاہم بعض صارفین ان کی حمایت بھی کر رہے ہیں۔ جیسے دنیش لکھتے ہیں کہ ’یہ وہ وقت ہے جب ہمیں ٹیم اور کوہلی کو سپورٹ کرنا چاہیے۔‘
سابق انڈین کرکٹر ویرندر سیہواگ نے پاکستان کو مبارکباد دیتے ہوئے لکھا: ’مجھ یقین ہے کہ انڈیا اب زیادہ مضبوطی سے واپس آئے گا۔‘
