پاکستان بمقابلہ نیوزی لینڈ پہلا ٹیسٹ: پہلے دن کے کھیل کے دوران ناقص فیلڈنگ پر سوشل میڈیا صارفین پاکستانی ٹیم پر برہم
،تصویر کا ذریعہGetty Images
گیند ہوا میں فائن لیگ باؤنڈری کی جانب گامزن تھی، پاکستان کے پاس یک بعد دیگرے دو وکٹیں حاصل کر کے میچ میں واپس آنے کا سنہرا موقع تھا لیکن پھر اگلے ہی فریم میں کیمرے پر نسیم شاہ پچ پر بیٹھے دکھائی دیے، ان کی نگاہیں نیچے تھیں اور ان کے چہرے کے تاثرات میچ کی کہانی بتا رہے تھے۔
یہ کیچ ہینری نکولز کا تھا جنھوں نے اس وقت تک صرف چھ رنز بنائے تھے، دن اختتام تک وہ 42 رنز بنا چکے تھے۔
کچھ ہی دیر بعد کیمرے کی توجہ حارث سہیل پر تھی، جو دوسری سلپ میں کین ولیمسن کا کیچ چھوڑے بیٹھے تھے۔ ولیمسن کا سکور 86 تھا، اب وہ 94 رنز بنا چکے ہیں۔
پاکستانی کرکٹ ٹیم کے لیے اب یہ معمول کی بات ہے کہ وہ جب بھی کسی دورے پر جاتی ہے، بالخصوص آسٹریلیا اور نیوزی لینڈ کے دورے پر، تو وہ اپنی فراخدلی کا بھرپور مظاہرہ کرتی ہے۔
یہ بھی پڑھیے
End of سب سے زیادہ پڑھی جانے والی
کبھی کیچز چھوڑنا، تو کبھی رن آؤٹ مس کرنا، تو کبھی ڈی آر ایس نہ لینا۔ انوکھی بات تو شاید اس وقت ہوتی اگر پاکستانی ٹیم اپنے رویے کو تبدیل کر لیتی لیکن محمد رضوان کی کپتانی میں نیوزی لینڈ کے خلاف کھیلے گئے پہلے ٹیسٹ میچ میں تو کم از کم ٹیم نے پرانی روش برقرار رکھی اور نیوزی لینڈ کے سب سے اہم کھلاڑی اور کپتان کین ولیمسن کو تحفے دینے میں کوئی کسر نہیں چھوڑی۔
ماؤنٹ ماؤنگانوئی میں پہلے ٹیسٹ کے پہلے دن کے کھیل کے اختتام پر کیویز نے 222 رنز تین وکٹوں پر بنائے اور اس سکور کو دیکھ کر شاید ایسا لگے کہ پاکستان نے بڑی ناقص بولنگ کی۔
،تصویر کا ذریعہGetty Images
لیکن ایسا کہنا انتہائی سبز پچ پر ٹاس جیت کر بولنگ کرنے والی پاکستان ٹیم کے اوپننگ گیند باز، عباس اور شاہین آفریدی کے لیے انتہائی نامناسب ہوگا جنھوں نے اپنی تمام تر صلاحیت کے ساتھ عمدہ بولنگ کا مظاہرہ کیا۔
دسویں اوور کے اختتام تک کیویز کے دونوں اوپنرز صرف 13 رنز پر آؤٹ ہو چکے تھے اور راس ٹیلر کے آؤٹ ہونے تک کیویز کی رن بنانے کی اوسط ڈھائی رن فی اوور سے بھی کم تھی۔
،تصویر کا ذریعہTwitter/Puff_Pastryy
لیکن پھر راس ٹیلر اور ولیمسن نے اپنی دسویں سنچری شراکت قائم کی اور پاکستانی بولنگ کے کمزور پہلو یاسر شاہ اور کچھ حد تک نسیم شاہ کی صورت میں عیاں ہوتے گئے۔
یاسر شاہ جن کی بولنگ پرفارمنس غیر ملکی دوروں میں گذشتہ چار سال سے مسلسل خراب ہوتی جا رہی ہے اس بار بھی نہ رن روکتے نظر آئے اور نہ ہی ایسا لگا کہ اتنی سبز پچ پر وہ وکٹ لے سکیں گے۔
،تصویر کا ذریعہGetty Images
دوسری جانب نوجوان بولر نسیم شاہ کی ناتجربہ کاری ظاہر ہوئی جو ہر گیند پر وکٹ لینے کی کوشش کرتے رہے لیکن کامیاب نہ ہوئے۔
لیکن یہ کہنا بھی ضروری ہے کہ انھی کی بولنگ پر ولیمسن اور نکولز کے کیچ بھی چھوڑے گئے۔
کیوی کپتان ولیمسن نے دن کے اختتام پر 94 رنز بنائے لیکن اس کے لیے انھیں پاکستانی فیلڈرز کو شکریہ کا کارڈ بھیجنا ہوگا جنھوں نے نہ صرف ان کے دو آسان کیچز چھوڑے، بلکہ ایک ایل بی ڈبلیو کی اپیل پر ریویو بھی نہیں لیا۔
سوشل میڈیا پر پاکستان صارفین کے لیے یہ سب مناظر انتہائی تکلیف دہ تھے۔
صارف حارث نے اپنے غصے کا اظہار کرتے ہوئے لکھا کہ ’جب آپ تین کیچز چھوڑیں گے تو نتیجہ وہی ہوگا جو ہوا ہے۔ اتنی صبح اٹھنے کا کوئی فائدہ نہیں اگر ہمارے ٹیم نے ہمیں ایسے ہی مایوس کرنا ہے ہمیشہ کی طرح۔‘
،تصویر کا ذریعہTwitter/@HarisTweets99
حسن نامی صارف نے ولیمسن کے کیچز چھوڑنے پر کہا کہ 'آپ عظیم ترین بلے بازوں میں سے ایک ولیمسن کے اتنے کیچ چھوڑیں گے تو آگے کیسے بڑھیں گے۔۔۔'
اویس چاند نے بس لکھا 'ناقص فیلڈنگ' اور برا سے منہ بنانے والی ایموجی ڈال دی، شاید وہ اور کچھ کہہ نہ سکے۔
،تصویر کا ذریعہTwitter/@ChandTweetsCric
راجہ عمر نامی صارف قومی ٹیم کی کارکردگی سے اتنے بے دل ہو گئے کہ پہلے دن کے کھیل کے اختتام پر لکھتے ہیں میں امید کرتا ہوں کہ میں غلط ہوں لیکن مجھے تو اننگز شکست نظر آ رہی ہے۔۔'
صارف نائل کروکوڈائل نے محمد رضوان کو آڑے ہاتھ لیا اور ولیمسن کے خلاف ریویو نہ لینے کے فیصلہ پر کہا کہ 'کوئی کپتانی نہیں کر رہے رضوان سوائے وکٹوں کے پیچھے سے بولنے کے۔'
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 1
ادھر آسٹریلیا میں ٹیسٹ سیریز کے دوسرے میچ میں انڈیا نے پہلے دن صرف 72 اوورز میں میزبان ٹیم کو 195 رنز پر آؤٹ کر دیا تو کئی صارفین نے اس کا موازنہ پاکستانی ٹیم سے بھی کیا۔
اس تحریر میں ایسا مواد ہے جو X کی جانب سے دیا گیا ہے۔ کسی بھی چیز کے لوڈ ہونے سے قبل ہم آپ سے اجازت چاہتے ہیں کیونکہ یہ ممکن ہے کہ وہ کوئی مخصوص کوکیز یا ٹیکنالوجیز کا استعمال کر رہے ہوں۔ آپ اسے تسلیم کرنے سے پہلے X ککی پالیسی اور پرائیویسی پالیسی پڑھنا چاہیں گے۔ اس مواد کو دیکھنے کے لیے ’تسلیم کریں، جاری رکھیں‘ پر کلک کریں۔
X پوسٹ کا اختتام, 2
صارف رضیہ خان نے لکھا کہ 'پاکستان ٹیم سے کوئی توقع نہیں۔ انتہائی برا بولنگ اٹیک اس دہائی میں۔ اور دوسری جانب انڈین بولنگ نے آسٹریلیا کو 195 پر آؤٹ کر دیا۔
