آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
کرکٹ ورلڈ کپ 2019: نیوزی لینڈ نے افغانستان کو سات وکٹوں سے شکست دے دی
کرکٹ کے 12 ویں عالمی کپ کے 13 ویں میچ میں نیوزی لینڈ نے افغانستان کو سات وکٹوں سے شکست دے کر ٹورنامنٹ میں لگار تیسری فتح اپنے نام کر لی۔
میچ میں کیا ہوا
جمعے کو ٹاؤنٹن میں کھیلے جانے والے اس میچ میں نیوزی لینڈ کے کپتان کین ویلمسن نے ٹاس جیت کر فیلڈنگ کرنے کا فیصلہ ہوا جو درست ثابت ہوا۔ افغانستان کی پوری ٹیمم 41.1 میں 172 رنز بنا کر آؤٹ ہو گئی۔ افغانستان کی جانب سے حشمت اللہ شاہدی نے سب سے زیادہ 59 رنز بنائے جبکہ نیوزی لینڈ کے جیمز نیشم اور لوکی فرگوسن نے عمدہ بولنگ کا مظاہرہ کرتے ہوئے بالترتیب پانچ اور چار کھلاڑیوں کو آؤٹ کیا۔ نیوزی لینڈ کی تباہ کن بولنگ کی وجہ سے افغانستان کے چھ کھلاڑیوں کا سکور دہرے ہندے میں پہنچنے میں ناکام رہا۔
جواب میں نیوزی لینڈ نے 173 رنز کا مطلوبہ ہدف محض 32.1 اوورز میں حاصل کر لیا۔ نیوزی لینڈ کی جانب سے کپتان کین ویلمسن نے 79 رنز بنائے اور آؤٹ نہیں ہوئے۔ افغانستان کی جانب سے آفتاب عالم نے نیوزی لینڈ کے تین کھلاڑیوں کو آؤٹ کیا۔
یہ بھی پڑھیے
End of سب سے زیادہ پڑھی جانے والی
میچ کا بہترین بلے باز
نیوزی لینڈ کے کپتان کین ویلمسن نے میچ وننگ اننگز کھیلی۔ انھوں نے نو چوکوں کی مدد سے 79 رنز بنائے اور آؤٹ نہیں ہوئے۔
میچ کا بہترین کھلاڑی
نیوزی لینڈ کے بولر جیمز نیشم کو میچ کا بہترین کھلاڑی قرار دیا گیا۔ انھوں نے اپنے دس اوورز میں صرف 31 رنز دے کر افغانستان کے پانچ کھلاڑیوں کو پویلین کی راہ دکھائی۔
کیویز کی فتوحات کی ہیٹ ٹرک
اس ٹورنامنٹ میں یہ کیویز کی مسلسل تیسری فتح تھی۔ نیوزی لینڈ نے اوول کے میدان پر کھیلے جانے والے اپنے دوسرے میچ میں بنگلہ دیش کو دو وکٹوں سے شکست دے تھی جبکہ کارڈف میں کھیلے جانے والے اپنے پہلے میچ نیوزی لینڈ نے سری لنکا کو دس وکٹوں سے ہرایا تھا۔
