آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
محمد عرفان کا ٹی 20 کرکٹ کی تاریخ کا نیا ریکارڈ
پاکستان کے طویل القامت فاسٹ بولر محمد عرفان نے ٹی 20 کرکٹ کی تاریخ میں ایک سپیل میں سب سے کم رنز دینے کا ریکارڈ قائم کیا ہے۔
کریبئین پریمئیر لیگ میں محمد عرفان نے بارباڈوس ٹریڈینٹس کی جانب کھیلتے ہوئے سینٹ کٹس اینڈ نیوس پیٹریوٹس کے خلاف چار اووروں کے سپیل میں صرف ایک رن دیا ہے جو ٹی 20 کرکٹ کا ایک ریکارڈ ہے۔
محمد عرفان نے اپنے پہلے تین اووروں میں کوئی رن نہیں دیا اور دو وکٹیں بھی حاصل کیں اور واحد سکور ان کے چوتھے اوور کی آخری گیند پر بنا۔
محمد عرفان کی عمدہ بولنگ کے باجود ان کی ٹیم یہ میچ ہار گئی۔
یہ بھی پڑھیں!
ان کے سپیل کی پہلی گیند پر مشہور ویسٹ انڈین بیٹسمین گرس گیل آؤٹ ہوئے۔ اپنے دوسرے اوور میں انھوں نے ایون لیوئس کو بھی پویلین کی راہ دکھا دی۔
End of سب سے زیادہ پڑھی جانے والی
ان کی بیشتر گیندوں کو بیٹسمین بلے سے چھونے میں ناکام رہے۔
محمد عرفان نے میچ کے بعد کہا کہ وہ ٹی 20 کرکٹ میں بہترین سپیل کرانے پر خوش ہیں لیکن اگر ان کی ٹیم میچ جیت جاتی تو ان کی خوشی دوبالا ہو جاتی۔
محمد عرفان نے کہا کہ وہ ایسی پچ پر بولنگ کرنا پسند کرتے ہیں جس پر ان کی قد کی وجہ سے گیند زیادہ اچھلے۔ انھوں نے کہا وہ اپنی کارکردگی سے خوش ہیں۔
محمد عرفان اب تک 86 ٹی 20 میچز کھیل چکے ہیں جن میں انھوں نے 21.38 کی اوسط سے 97 وکٹیں حاصل کی ہوئی ہیں۔
اس کے علاوہ پاکستان کی قومی ٹیم کی نمائندگی کرتے ہوئے محمد عرفان نے 20 بین الاقوامی ٹی 20 میچز میں صرف 15 وکٹیں حاصل کی ہیں۔
