آپ اس وقت اس ویب سائٹ کا ٹیکسٹ پر مبنی ورژن دیکھ رہے ہیں جو کم ڈیٹا استعمال کرتا ہے۔ مرکزی ویب سائٹ جہاں تمام تصاویر اور ویڈیوز موجود ہیں دیکھیے
مشکوک افراد سے مبینہ روابط، فاسٹ بولر محمد عرفان معطل
پاکستان کرکٹ بورڈ نے فاسٹ بولر محمد عرفان کو معطل کردیا ہے اور انھیں 14 روز میں اپنا جواب داخل کرنے کے لیے کہا گیا ہے۔
یہ معطلی پاکستان سپر لیگ کرپشن سکینڈل کے سلسلے میں عمل میں آئی ہے۔
واضح رہے کہ محمد عرفان پیر کے روز پاکستان کرکٹ بورڈ کے اینٹی کرپشن یونٹ کے سامنے پیش ہوئے تھے اور اپنا بیان ریکارڈ کرایا تھا۔
نامہ نگار عبدالرشید شکور کے مطابق محمد عرفان پر الزام ہے کہ انہوں نے مشکوک افراد سے اپنے مبینہ روابط کے بارے میں پاکستان کرکٹ بورڈ کے اینٹی کرپشن یونٹ کو مطلع نہیں کیا تھا۔
محمد عرفان نے پاکستان سپر لیگ میں اسلام آباد یونائٹڈ کی نمائندگی کی تھی۔
اسی تحقیقات کے سلسلے میں کراچی کنگز کے اوپننگ بیٹسمین شاہ زیب حسن منگل کے روز پاکستان کرکٹ بورڈ کے انٹی کرپشن یونٹ کے سامنے پیش ہوں گے۔
End of سب سے زیادہ پڑھی جانے والی
پاکستان کرکٹ بورڈ دو کرکٹرز شرجیل خان اور خالد لطیف کو پہلے ہی معطل کرچکا ہے۔
پاکستان کرکٹ بورڈ نے اس کرپشن سکینڈل کی تحقیقات کے لیے تین رکنی ٹریبونل بھی تشکیل دیا ہے جس کے سربراہ جسٹس ریٹائرڈ اصغر حیدر ہیں اور اس میں لیفٹننٹ جنرل ریٹائرڈ توقیر ضیا اور وسیم باری شامل ہیں۔
یہ ٹریبونل جلد ہی اپنا کام شروع کرنے والا ہے۔
