ہتک عزت کے کیس میں کرس گیل کی جیت
،تصویر کا ذریعہReuters
آسٹریلوی عدالت نے کرس گیل پر آسٹریلوی پبلشر کی جانب سے خاتون مساج تھیرپسٹ کے سامنے خود کو برہنہ کرنے کے الزام کو غلط قرار دیا ہے۔
ویسٹ انڈیز کے کھلاڑی کرس گیل پر فیئر فیکس میڈیا نے ایک آرٹیکل میں یہ الزام لگائے تھے۔
مساج تھیرپسٹ لیانے رسل نے سماعت کے دوران عدالت کو بتایا کہ سنہ 2015 میں سڈنی میں کرس گیل نے خود کو ’برہنہ کیا‘۔
یہ بھی پڑھیے
تاہم گیل نے اپنی صفائی میں کہا کہ ایسا نہیں ہوا تھا۔
ابھی یہ بھی واضح نہیں کہ گیل کمپنی سے کتنے ہرجانے کا مطالبہ کریں گے۔
End of سب سے زیادہ پڑھی جانے والی
سڈنی کی کنگز سٹریٹ کورٹ کمپلیکس کے باہر گیل نے میڈیا کے نمائندوں سے گفتگو کرتے ہوئے کہا کہ ’میں اچھا آدمی ہوں، میں قصوروار نہیں ہوں‘۔
ان کا کہنا تھا کہ ’میں خوش ہوں کہ لوگوں کو یہ جاننے کا موقع ملا کہ اصل میں کیا ہوا تھا۔‘
فیئر فیکس کے وکیل پیٹر بارٹلیٹ کا کہنا ہے کہ کمپنی کو اس پر بہت سا پیسہ دینا ہوگا یا پھر وہ اپیل کی جانب جا سکتے ہیں۔
،تصویر کا ذریعہAFP/Getty Images
مِس رسل نے الزام لگایا تھا کہ گیل نے ڈریسنگ روم میں ان کے سامنے خود کو برہنہ کیا تھا۔
گیل کے ساتھی کرکٹر ڈوین سمتھ نے جو کہ اس وقت ڈریسنگ روم میں موجود تھے اس واقعے کے بارے میں گیل کے بیان کی حمایت کی۔
گیل کی قانونی ٹیم کا کہنا ہے کہ فیئر فیکس کے صحافی کرکٹر کو ’تباہ‘ کرنا چاہا تھا۔
اب عدالت منگل کو ہرجانے کے معاملے کو دیکھے گی۔
38 سالہ گیل کا شمار دنیا کے معروف ترین کرکٹرز میں ہوتا ہے اور رواں برس اگست میں انھوں نے ٹی 20 میچوں میں دس ہزار رنز مکمل کرنے کا اعزاز حاصل کیا تھا۔
