جاپانی حکومت نے چیری کے تین درختوں کو قومی اثاثہ قرار دیا ہے

جاپان کا خلائی ادارہ جاپان ایرو سپیس ایکسپلوریشن ایجنسی ’جیکسا، اس پھول کے بیج بین الاقوامی خلائی سٹیشن پر اپنی سائنسی لیبارٹری میں بھیجےگا۔

اس تجربے سے اس بات کا اندازہ لگایا جائے گا کہ محدود کشش ثقل سے یہ بیج کس حد تک متاثر ہوں گے۔خلائی مرکز دس چیری کے درختوں سے یہ بیج حاصل کرکے بھیجے گا۔ جس میں تین ایسے درخت بھی شامل ہیں جنہیں جاپانی حکومت نے قومی اثاثہ قرار دیا ہے۔

مینڈ سپیس سسٹم کے ترجمان یوکو اوٹیک کا کہنا ہے کہ ’سائنسی تجربات ان پھولوں کو خلاء میں بھیجنے کی ایک وجہ تو یہ ہے لیکن ہم اپنی طرف سےان بیجوں کو خلاء کے سفر پر بھیجنا چاہتے ہیں جیسے کہ کچھ عام لوگ بھی اب وہاں جا سکتے ہیں۔،

جاپان کی ان تین قدیم چیری کے درختوں میں سے تکی زکورہ نے اس سال اپنے کھلنے کے موسم میں ایک چھوٹے قصبے مہارو میں اپنی طرف تین لاکھ لوگوں کو راغب کیا۔

ملہارومیں پرائمری سکول کے بچے گرمیوں کے موسم میں خلائی سفر کے لیے اس پھول کے بیج چنیں گے۔ اوریہ بیج خلاء میں چھ ماہ رکھے جانے کے بعد واپسی پر مختلف تحقیقاتی اداروں میں تقسیم کیے جائیں گے۔