ایکس او کمپیوٹر خاص کر بچوں کی ضرورات کو مدنظر رکھ کر بنایا کیا ہے۔

تجزیہ نگاروں کا کہنا ہے کہ بہت ممکن ہے کہ جب ایکس او نومبر میں پوری دنیا میں ایک ہفتہ کے لیے دکانوں میں دستیاب ہوگا تو اس کے اثرات تمام پی سی انڈسٹری پر پڑیں گے، کیوں کہ دیکھنے میں یہ عام کمپیوٹروں جیسا ہے مگر دوسرے کمپیوٹروں سے اس کی کارکردگی کا موازنہ اس کے استعمال کے بعد ہی کیا جاسکے گا۔

تیزی سے بدلتی ہوئی اس ٹیکنالوجی کی صنعت پر نظر رکھنے والوں کا کہنا ہے کہ اس بات کے کافی امکانات ہیں کہ ایکس او کی کم قیمت اور بیشتر خوبیاں پی سی بنانے والوں کے لیے بہت سے سوالات کھڑے کر دیں گی۔

کمپیوٹر ساز کمپنی انٹل کے ولی اگاڈسٹین کا کہنا ہے کہ پی سی لیپ ٹاپس کا موازنہ ایکس او یا انٹل کے ’ کلاس میٹ‘ سے کرنا مشکل ہے۔

اُنہوں نے کہا کہ ان لیپ ٹاپس کے بنانے کا مقصد کچھ غیرمعمولی ہے کیونکہ ان کا کام ترقی پذیر ممالک کے بچوں کی مدد کرنا ہے، اس لیے یہ کہنا غلط ہے کہ کوئی ایک نمونہ سب کے لیے کارآمد ہوگا۔

انھوں نے مزید کہا کہ یہ کمپیوٹرخاص طور پر ترقی پذیر ملکوں کے بچوں اور ان کے اسکولوں کی ضروریات کو مدِنظر رکھ کر بنائے گئے ہیں۔ اس کے ساتھ اس کا کی بورڈ بھی بچوں کی انگلیوں کے لیے بنایا گیا ہے، نہ کہ ان کے والدین کی انگلیوں کے لیے۔