وٹامن سی سِٹرس میں سےاخذ کیاجاتاہے

ماہرین نے ساڑھے گیارہ ہزار افراد پر کیے گئے تجربات کی بنیاد پر بننے والی تیس رپورٹوں میں یہ بات بھی سامنے آئی کہ روزانہ دو سو ملی گرام کی خوراک سردی سے لگنے والی بیماریوں کی شدت کم کرنے میں زیادہ مؤثر نہیں۔ تاہم وقتاً فوقتاً شدید اعصابی تناؤ سے گزرنے والے لوگ، مثلاً لمبے فاصلے کی دوڑ میں حصہ لینے والے لوگوں کے سردی سے بیمار ہونے کا امکان پچاس فیصد کم ہو سکتا ہے۔

سائنسدانوں نے کہا کہ زیادہ تر لوگوں کے لیے سردی سے نمٹنے میں وِٹامن سی کا فائدہ اس کے استعمال کے لیے ہونے والے تردد سے کم ہے۔

ماہرین نے بتایا کہ بڑی عمر کے لوگوں میں یہ وٹامن سردی سے بیماری کا امکان آٹھ فیصد اور بچوں میں تیرہ فیصد کم کرتا ہے، اور یہ جانتے ہوئے کہ لوگوں کو سال میں دو یا تین بار یہ مسئلہ ہوتا ہے، وٹامن کا یہ فائدہ انتہائی کم ہے۔

رپورٹ کے مصنف ہاری ہمیلا نے کہا کہ سردی سے بیماری کا امکان کم کرنے کے لیے سال میں تین سو پینسٹھ روز وٹامن کے استعمال کا سمجھداری نہیں۔

انیس سو ستر میں نوبل انعام یافتہ لائنس پالنگ نے سردی سے بچنے کے لیے روزانہ ایک ہزار ملی گرام خوراک کا کہا تھا۔ لیکن اس کے بعد سے سردی سے نمٹنے میں وٹامن کا کردار متنازعہ ہو چکا ہے۔