شٹل کے عملے نے واپسی سے پہلے حرارت سے محفوظ رکھنے والی چادر کی مرمت کی

ایٹلانٹس کے اس مشن میں خلا نورد سنیتا ولمیمز بھی شامل تھیں جنہوں نے کسی خاتون کی طرف سے خلا میں سب سے طویل پرواز کا ریکارڈ بھی قائم کیا ہے۔ انہوں نے خلا میں ایک سو پچانوے دن گزارے اور کسی خاتون کی طرف سے خلا میں چہل قدمی کا ریکارڈ بھی قائم کیا۔

ولیمز نے زمین پر واپسی کے بعد کہا کہ ’جب کسی جگہ پر چھ ماہ گزارے جائیں وہ گھر جیسا لگتا ہے اور اسے چھوڑنا مشکل ہوتا ہے‘۔

زمین کے مدار میں سفر کے دوران شٹل کے عملے نے کئی بار خلا میں چہل قدمی کی اور بین الاقوامی خلائی مرکز میں شمسی توانائی کے لیے نئے پینل نصب کیے جس سے اب مرکز کو زیادہ توانائی مل سکے گی۔