پلوٹو کو 1930 میں دریافت کیا گیا

’انٹرنیشنل آسٹرونومیکل یونین‘ کو امید ہے کہ تین ہزار ماہرین اور سائنسدان اس اجلاس میں یہ طے کرنے میں کامیاب ہو جائیں گے کہ 1930 میں دریافت ہونے والا پلوٹو سیارہ ہے یا نہیں۔

ماہرین اس بات پر منقسم ہیں کہ نظامِ شمسی کے بقیہ آٹھ سیاروں کی نسبت کم حجم کا مالک اور زیادہ دوری پر واقع پلوٹو سیارہ کہلائے جانے کے لائق ہے بھی یا نہیں۔

یہ بحث اس وقت سے زیادہ دلچسپ ہو گئی ہے جب سے ایک امریکی ماہرِ فلکیات نے 2003 UB313 نامی ایک سیارہ نما چیز دریافت کی ہے جو پلوٹو سے حجم میں بڑی ہے۔

پلوٹو کو 1930 میں دریافت کیا گیا تھا اور اس کا حجم صرف دو ہزار تین سو ساٹھ کلومیٹر ہے۔ یہ زمین، مریخ، مشتری، زحل اور یہاں تک کہ نیپچون جیسے سیارے سے بھی بہت حد تک مختلف ہے۔ اس کے مقابلے میں ہبل دوربین کی مدد سے کی جانے والی پیمائش کے مطابق ’2003 UB313‘ پلوٹو سے حجم میں بڑا ہے اور اس کا حجم تین ہزار کلومیٹر کے قریب ہے۔

کیلیفورنیا انسٹیٹیوٹ آف ٹیکنالوجی کے پروفیسر مائیک براؤن اور ان کے رفقاء نے نظام شمسی کے کنارے پر واقع’ کائپر بیلٹ‘ کے علاقے میں متعدد سیارہ نما اجسام دریافت کیئے ہیں۔

پراگ میں ہونے والے اجلاس میں شریک ماہرین سے کہا گیا ہے کہ وہ سیارے کی باقاعدہ تعریف وضع کریں۔ یہ بھی ممکن ہے کہ اس اجلاس میں’2003 UB313‘ کو جسے ’زینا‘ بھی کہا جاتا ہے، باقاعدہ سیاروں کی فہرست میں شامل کر لیا جائے لیکن اس کے ساتھ ہی یہ بھی ممکن ہے کہ ماہرین پلوٹو سے نظامِ شمسی کے نویں سیارے کی پہچان واپس لے لیں۔

یہ بھی کہا جا رہا ہے کہ سائنسدان پلوٹو کی نئی درجہ بندی کر سکتے ہیں اور اسے بقیہ آٹھ سیاروں سے مختلف قرار دے سکتے ہیں جس سے دنیا بھر کے نصابوں اور انسائیکلو پیڈیا میں اس کی حیثیت تبدیل ہو جائے گی۔

پلوٹو کو 1930 میں دریافت کیا گیا تھا اور اس کا حجم صرف دو ہزار تین سو ساٹھ کلومیٹر ہے۔ یہ زمین، مریخ، مشتری، زحل اور یہاں تک کہ نیپچون جیسے سیارے سے بھی بہت حد تک مختلف ہے۔ اس کے مقابلے میں ہبل دوربین کی مدد سے کی جانے والی پیمائش کے مطابق ’2003 UB313‘ پلوٹو سے حجم میں بڑا ہے اور اس کا حجم تین ہزار کلومیٹر کے قریب ہے۔