آنکھوں کے معائنہ سے بہت سی بیماریوں کی علامات مل سکتی ہیں

یہ تحقیق بوسٹن کے ہسپتال، بریگھم اینڈ ویمن ہاسپیٹل کے ڈاکٹر لی گولڈ سٹائن اور ان کی ٹیم نے کی۔ تحقیق دماغ میں پائی جانے والی پروٹین پر کی گئی جو الزائمر کا باعث بنتی ہے۔

سپین میں ہونے والی ایک کانفرنس کو بتایا گیا کہ اس طریقہِ تشخیص کا چوہوں پر تجربہ کیا گیا۔ اس تجربے کے دوران الزائمر سے متاثرہ چار چوھے کی آنکھوں میں انفراریڈ شعاعیں ڈالی گئی اور چار تندرست چوہوں پر بھی وہی شعاعیں ڈالی گئیں۔

ڈاکٹر لی اور اس کی ٹیم کا کہنا ھے کہ عام ٹیسٹ سے اس بیماری کونہ صرف ابتدائی حالت میں شناخت کیا جا سکے گا بلکہ علاج کے دوران یہ بھی دیکھا جا سکے گا کہ آیا یہ ٹھیک ہو رہی ھے یا نہیں۔

مگر اس وقت کوئی ایسا سادہ ٹیسٹ نہیں ہے جس سے اس بیماری کا پتا چل سکے۔ ابھی صرف دماغ کے پوسٹ مارٹم سے ہی اس کا پتا چلایا جا سکتا ھے۔

سائنسدانوں کا ماننا ہے کہ اس ٹیکنالوجی کے استمعال سے عام آئی ٹیسٹ سے بھی اس بیماری کا پتا لگایا جا سکے گا۔