گزشتہ دہائیوں میں شیروں کی تعداد میں کافی کمی آئی ہے

گزشتہ ایک دہائی میں شیروں کے رہنے کاچالیس فیصد علاقہ کم ہو گیا ہے۔ اب تو حالت یہ ہے کہ ان کے لیئے محض سات فیصد رقبے ہی بچے ہیں۔

اس سلسلے میں مطالعہ کرنے والے گروپ نے ویسی چھیترجگہوں کی پہچان کی ہے جو چیتہ کی نسل کے اس جانور کے رہنے کے لیئے قدرے محفوظ ہیں۔

اس گروپ نے متعلقہ حکومتوں کے سربراہوں سے ان علاقوں کی حفاظت کرنے کی گزارش کی ہے جہاں شیروں کے رہائشی علاقوں کی حفاظت سے متعلق کانفرنس ہونے والی ہے۔

امریکہ کے’ وا ئلڈ لائف کنزرویشن سوسائٹی ‘ کے جان رابنسن نے کہا ’ یہ رپورٹ باگوں کی حفاظت کے لیئے کافی اہم ہیں۔‘

ایک صدی پہلے تک دنیا میں شیروں کی کل تعداد ایک لاکھ تھی جو اب کم ہو کر محض پانچ ہزار رہ گئی ہے۔ شیروں کی تعداد میں اس کمی کی سب سے بڑی وجہ انکے رہائشی علاقوں کاا نسانی استعمال میں لایا جانا ہے۔ جبکہ کچھ حد تک شیروں کا شکار بھی اسکی ایک وجہ ہے۔

سائنسدانوں نے انکی رہائش کے لیئے محفوظ ترین مقام کے متعلق جاننے کے لیئے مطالعہ کیا ہے۔ انھوں نے ایسے 76 مقامات کا پتہ لگایا ہے جو باگوں کے کی رہائش کے لیئے مناسب ہیں۔ ایسے علاقوں میں زیادہ تر ہندوستان اور روس میں ہیں جبکہ کچھ علاقے جنوب مشرقی ایشیا میں بھی ہیں۔

	روس اور ہندوستان میں باگوں کی رہائش کے سازگار ماحول ہیں

انھوں نے کہا کہ ایشائی ممالک کی اقتصادی ترقی شیروں کی قیمت پر نہیں ہونی چاھیئے۔اس تنظیم نے ان حکومتوں سے اپیل کی ہے کہ باگوں کی حفاظت سےمتعلق ایک کانفرنس کا انعقاد کیا جائے جس میں اس سے متعلق مسائل پر ہی بحث ہو۔

فی الحال شیروں کی’ پنتھیرا‘ ذات کی دنیا میں سب سے زیادہ آبادی ہے جبکہ ’جاوان‘’بالی‘ اور ’کاسپین‘نسلوں کی تعداد اتنی کم رہ گئی ہے کہ ان کی نسل کو ہی خطرہ لاحق ہے۔

سائنسدانوں کا کہنا ہے کہ ایک شیرنی کی رہائش کے لیئے 25 سے 1600 مربعہ کلومیٹر جگہ کی ضرورت ہوتی ہے جبکہ شیر کے لیے اس سے بھی زیادہ جگہ کی ضرورت پڑتی ہے۔