اس تصویر میں چہرے کا وہ حصہ دکھایا گیا جو کتے کے کاٹنے سے ختم ہو گیا تھا

جس عورت کا چہرہ تبدیل کیا گیا اس کا ناک، ہونٹ اور ٹھوڑی کتے کے کاٹنے سے ضائع ہو گئی تھی۔

چہرے کی تبدیلی کیوں؟  مریضہ کا چہرہ پلاسٹک سرجری سے ٹھیک نہیں کیا جا سکتا تھا اس لیے ٹرانسپلانٹ کی کوشش کی گئی فرانسیسی محکمۂ صحت کی مشیر کیرولائن کامبی

مریضہ کی سترہ بیٹی سے کہا کہ کتے نے ان کی والدہ کی زندگی بچائی ہے۔ کتے کو بعد میں خاندان والوں کی مرضی کے خلاف ختم کر دیا گیا۔

ایک متنازعہ آپریشن کے دوران سرجنوں نے ایک دماغی طور پر مردہ انسان کے چہرے کی رگیں، بافت اور پٹھے حاصل کر کے اڑتیس سالہ زخمی عورت کے چہرے پر لگا دیے۔

سرجنوں کا کہنا ہے کہ جس عورت کو نیا چہرہ دیا گیا ہے اس کی شکل اس شخص جیسی تو نہیں ہوگی جس کے چہرے کے حصے اسے لگائے گئے ہیں لیکن اب اس کی شکل پہلے جیسی بھی نہیں رہے گی۔

اس طرح کا آپریشن تکنیکی اعتبار سے کئی سالوں سے ممکن تھا اور امریکہ، برطانیہ اور فرانس میں ٹیمیں اس پر تحقیق کر رہی تھیں۔

ایک انسان کے چہرے کی کھال جسم کے کسی دوسرے حصہ کی نسبت کسی کے چہرے پر لگانا آسان ہے کیونکہ اس کی رنگت اور ملائمت ایک سی ہوتی ہے۔

اس میدان میں تحقیق کرنے والی ٹیمیں چہرے کی تبدیلی سے وابستہ ممکنہ اخلاقی پہلوؤں اور ممکنہ نفسیاتی خدشات کی وجہ سے شکوک کا شکار رہی ہیں۔ ماہرین خدشہ ظاہر کرتے رہے ہیں نیا چہرے ملنے سے انسان پر نفسیاتی دباؤ پڑ سکتا ہے۔

ولنسیا کی رہنے والی فرانسیسی خاتون جن کا چہرہ تبدیل کیا گیا آپریشن سے پہلے طویل مشاورت کے عمل سے گزریں۔

آپریشن گزشتہ اختتام ہفتہ ایمینز میں ہوا اور پانچ گھنٹے جاری رہا۔

آپریشن کرنے والی ٹیم کی قیادت پروفیسر برنرڈ دوواشیل اور پروفیسر جاں مشیل دوبرنار نے کی۔ آپریشن کے بعد ہسپتال کی طرف سے جاری ہونے والے بیان میں بتایا کہ مریضہ کی، جو اپنی شناخت ظاہر نہیں کرنا چاہتیں، حالت بہت اچھی ہے اور ان کے چہرے پر نئی کھال قدرتی ظاہر ہوتی ہے۔