مائیکل ہسی نے رام نریش ساروان کی گیند پر وننگ شاٹ لگایا

میچ کے پانچویں اور آخری روز آسٹریلیا کو جیتنے کے لیے 78 رنز کا ٹارگٹ ملا تھا جو اس نے آسانی سے حاصل کر لیا۔

آسٹریلیا کی طرف سے مائیکل ہسی نے ناقابل شکست اکتیس رنز بنائے۔ آسٹریلیا کی جانب سے آؤٹ ہونے والے واحد کھلاڑی میتھیوہیڈن تھے جو چھیالیس رنز بنا کر کرس گیل کی گیند پر متبادل کھلاڑی کے ہاتھوں کیچ ہوئے۔

میچ کے چوتھے روز ویسٹ انڈیز کی پوری ٹیم تین سو چونتیس رنز بنا کر آؤٹ ہو گئی تھی۔

ویسٹ انڈیز کی دوسری اننگز میں آل راؤنڈر براوو 113 اور وکٹ کیپر رامدین 71 رنز کے ساتھ نمایاں سکورر رہے۔

آسٹریلیا کی جانب سے شین وارن نے چار جبکہ میگرا، میگل اور بریٹ لی نے دو دو وکٹیں حاصل کیں۔

آسٹریلیا: میتھیو ہیڈن، مائیکل ہسی، رِکی پونٹنگ، مائیکل کلارک، برائن ہوج، اینڈریو سِمنڈز، شین وارن، بریٹ لی، گلین میگرا اور میگِل۔

ویسٹ انڈیز: کرس گیل، ڈی سمتھ، رام نریش ساروان، برائن لارا، شِونرائن چندرپال، رام دین، ایڈورڈز، کولی مور اور براوو۔