پولٹری کے قریب رہنے سے برڈ فلو ہو سکتا ہے۔

سوال: ایوین فلو کیا ہے؟
انسانوں اور کئی دوسرے جانداروں کی طرح پرندے بھی فلو کا شکار ہو سکتے ہیں۔

پرندوں میں پندرہ مختلف قسم کے فلو ہو سکتے ہیں تاہم ان میں سب سے زیادہ متعدی اقسام، جو کے پرندوں کے لیے مہلک ثابت ہو سکتی ہیں، ایچ5 اور ایچ7 کہلاتی ہیں۔

وائرس کی جو قسم اس وقت سب سے زیادہ پھیل رہی ہے اسے ایچ5 این1 کہا جاتا ہے۔

امریکہ میں سائنسدانوں نے کہا ہے کہ اس بات کے شواہد ملے ہیں کہ برڈ فلو کی بیماری ایک انسان سے دوسرے انسان کو لگ سکتی ہے اور یہ وبا کی طرح پھیل سکتی ہے۔

ابھی تک یہ بیماری جانوروں سے انسانوں کو لگتی رہی ہے۔ برڈ فلو وائرس جو 1997 سے اب تک 47 افراد ہلاک ہو چکے ہیں۔

سائنسدانوں نے کہا کہ اس وبا کی شدت کے بارے میں کوئی صیح اندازہ لگانا ممکن نہیں ہے۔ انہوں نے کہا کہ یہ 1968 فلو وبا کی طرح بھی ہو سکتی ہے جس میں دس لاکھ لوگ ہلاک ہوئے تھے۔

سائنسدانوں کے مطابق برڈ فلو 1918 میں آنی والی فلو وبا کی طرح شدید بھی ہو سکتی ہے جس میں پانچ کرورڑ لوگ ہلاک ہو گئے تھے۔

سوال: کیا ایوین وائرس کو کسی ملک میں آنے سے روکا جا سکتا ہے؟
ترکی اور رومانیہ میں وائرس کے آ جانے کے بعد اب خدشہ یہ ہے کہ وائرس سارے یورپ میں پھیل سکتا ہے۔ لیکن اس کا مطلب یہ نہیں ہے کہ گھریلو سطح پر پالی جکانے والی مرغیوں اور دیگر پولٹری کو بھی بیماری کا خطرہ ہے۔

	ترکی اور رومانیہ میں لاکھوں مرغیوں اور دیگر پولٹری کو تلف کیا جا چکا ہے۔

سوال: انسان ایون فلو کا شکار کیسے ہوتے ہیں؟
انسانوں میں یہ فلو بیمارزدہ زندہ پرندوں سے پھیل سکتا ہے۔ پرندے یہ وائرس اپنی بیٹھ میں خارج کرتے ہیں۔ بیٹھ کے خشک ہونے پر یہ وائس ہوا میں شامل ہو جاتا ہے اور اس ہوا میں سانس لینے سے یہ انسانی جسم میں داخل ہو جاتا ہے۔

سوال: اب تک کتنے لوگ اس وائرس سے متاثر ہو چکے ہیں؟
دس اکتوبر 2005 تک کی اطلاعات کے مطابق انڈونیشیا، ویتنام، تھائی لینڈ اور کمبوڈیا میں 117 انسانوں کو اس شکار پایا گیا ہے جن میں سے ساتھ ہلاک ہو چکے ہیں۔

سوال: کیایہ وائرس ایک انسان سے دوسرے انسان کو لگ سکتا ہے؟
اس بات کے امکانات ہیں کہ ایسا ہو سکتا ہے لیکن اب تک اس وائرس کے انسانوں میں وبائی شکل اختیار کرنے کے شواہد نہیں ہیں۔

تھائی لینڈ میں ایک مثال سامنے آئی ہے جہاں ایک بچی سے وائرس اس کی ماں کو لگا اور دونوں مرگئیں۔

سوال: کیا اس کی کوئی ویکسین ہے؟
ابھی تک کوئی حتمی ویکسین نہیں بن سکی ہے تا ہم ایچ5 این1 وائرس کے خلاف عمومی طور پر استعمال کی جانے والی ویکسین اس سلسے میں بھی موثر سمجھی جا رہی ہے۔
'ٹامی فلو' نامی دوا بیماری کی علامات ختم کرنے میں موثر ہے اور یہ دوا برطانیہ کے علاوہ کئی دیگر ممالک میں بھی دستیاب ہے۔

سوال: کیا ہم چکن کھا سکتے ہیں۔
جی ہاں۔ماہرین کا کہنا ہے کہ چونکہ ایون فلو خوراک سے نہیں پھیکتا اس لیے مرغی کھانے میں کوئی خطرہ نہیں۔

ایبرڈین یونیورسٹی کے پروفیسر پینگٹن کے مطابق انسان کو چکن کھانے صرف اس صورت میں خطرہ ہو سکتا ہے جب وہ مردہ چکن کی خشک ہڈیوں کے پاؤڈر کو سونگھے۔ شاید اس صورت میں بھی ایون فلو ہونے کا خطرہ نہیں ہو۔'

سوال: اس وائرس کو ترکی اور رومانیہ تک محدود رکھنے کے لیے کیا ہو رہاہے؟
ان ممالک میں لاکھوں مرغیوں کو تلف کیا جا چکا ہے جس سے اس وائرس کے انسانوں میں منتقل ہونے کے خدشے کو ختم کر دیا گیا ہے۔