بن گیم کھیلتے ہوئے

بظاہر بن ڈسکن باقی نو سالہ امریکی بچوں جیسا ہے جو وقت اور موقعہ ملنے پر ویڈیو گیمز کھیلتے ہیں۔ جب وہ پانچ سال کا تھا تو ڈاکٹروں نے تشخیص کیا کہ اسے خون کا کینسر ہے ۔ اس وقت اس کی ماں نے اسے سمجھانے کے لیے بتایا کہ یہ مرض ’پیک مین‘ ویڈیو گیم کی طرح ہے جو کینسر کے خلیوں کو کھاتا ہے۔

مگر مسئلہ یہ تھا کہ بن نے یہ گیم کبھی کھیلی نہیں تھی اس لیے اس نے فیصلہ کیا کہ کینسر میں مبتلا بچوں کے لیے ایک اور گیم کی ضرورت ہے تاکہ وہ اس مرض سے بہتر طور پر نمٹ سکیں۔

جب اس نےاس سلسلے میں پیسوں کے حصول کے لیے ایک امدادی ادارے سے رجوع کیا تو وہاں پر کچھ لوگوں نے ہنس کر ٹال دیا کیونکہ ایک گیم کے لیے کئی ملین ڈالر دینا ان کے نزدیک مضحکہ خیز بات تھی۔

لیکن عین اس وقت جب بن کو اپنی خواہش کی تکمیل مشکل نظر آ رہی تھی لوکاس آرٹس کے ویڈیو پروگرامر ایرک جانسن نے لڑکے کو مدد کی پیشکش کی۔ وہ کئی ماہ تک ہر ہفتے بن کے ساتھ کام کرتا تاکہ ویسا کھیل بنایا جا سکے جیسا لڑکا چاہتا ہے۔

بن کے مطابق ’بچے‘ سب سے اہم لوگ ہیں جو ویسی ہی صورتحال سے گزر رہے ہیں جس سے بن گزر رہا تھا۔ انہوں نے اس گیم کو آسان رکھا تاکہ چھوٹے بچے بھی آسانی سے کھیل سکیں۔

کھیل میں بن سکرین پر اچھلتا ہوا نظر آتا ہے۔ اس مفت گیم کو اب تک پینتیس ہزار لوگ ڈاون لوڈ کر چکے ہیں۔

یہ کھیل www.makewish.org/ben سے ڈاون لوڈ کیا جا سکتا ہے۔