اس سےپہلے کہ پکا دی جاتی، جھینگا مچھلی پکوان سے نکل بھاگی
،تصویر کا ذریعہGetty Images
انٹرنیٹ پردس لاکھ سے زیادہ باردیکھی گئی ویڈیو میں جھینگا مچھلی اپنا پنجہ پکڑ کر اسے اکھاڑنے کی کوشش کر رہی ہے اور بالآخر اس کوشش میں کامیاب ہو کر وہ بھاگ نکلی۔
اس ڈرامائی منظر کو جوئک نامی سوشل میڈیا صارف نے کیمرے میں محفوظ کیا اور چین میں مقبول سماجی رابطوں کی ویب سائٹ ویبو پر پوسٹ کیا۔
جوئک نے بعد ازاں ویبو پر بتایا کہ انہوں نے جھینگا مچھلی کو اپنا پالتو جانور بنا لیا ہے ۔
یہ بھی پڑھیے
ویبو صارفین نے ویڈیو پر بہادر جھینگا مچھلی کے حق میں کمنٹ کیے ہیں۔ اپنی جان بچانے کے لیے کے اس کی سر توڑ کوشش کو دیکھتے ہوئے ان کا کہنا ہے کہ 'اسے جانے دو' اور 'اسے مت کھاؤ' ۔
جوئک نے جواباً لکھا ہے کہ 'میں نے اسے زندہ رہنے دیا ہے، میں اسے گھر لے گیا ہوں اور ایک مچھلی گھر میں اس کی پرورش کر رہا ہوں'۔
End of سب سے زیادہ پڑھی جانے والی
مواد دستیاب نہیں ہے
Facebook مزید دیکھنے کے لیےبی بی سی. بی بی سی بیرونی سائٹس پر شائع شدہ مواد کی ذمہ دار نہیں ہے.Facebook پوسٹ کا اختتام
چین میں گزشتہ چند سالوں میں جھینگا مچھلی کھانے کا شوق بے حد بڑھا ہے اور جھینگا مچھلی کی فارمنگ اور اس کے مخصوص ریستوران کی تعداد میں اضافہ دیکھنے میں آیا ہے۔
چین کی سرکاری نیوز ایجنسی زینوا نے زراعت اوردیہی امور کی وزارت کے حوالے سے بتایا ہے کہ چین دنیا بھر میں خول دار جانوروں کا سب سے بڑا ذریعہ ہے۔
چین میں سنہ دو ہزار سات میں یہ پیداوار 27 ہزار ٹن کے قریب تھی اور دو ہزار سولہ میں بڑھ کر86 ہزارٹن کے قریب ہو گئی ہے۔
