 | | | | | | | |||||||||||||||||||||||||||||||||||
| | ||||||||||||||||||||||||||||||||||||||||
|
مالیاتی کمپنیوں پر حکومتی کنٹرول | ||||||||||||||||||||||||||||||||||||||||
امریکی صدر بش نے کہا ہے کہ دو بڑی امریکی مارگیج کمپنیوں فریڈی میک اور فینی مے کو سرکاری تحویل میں لے لیا گیا ہے کیونکہ ان کی وجہ سے امریکی معیشت ناقابل قبول خطرات سے دوچار تھی۔ امریکی مارگیج مارکیٹ میں ان دو کمپنیوں کا حصہ پچاس فیصد سے زیادہ ہے اور ان کو امریکی ہاؤسنگ مارکیٹ کے حالیہ بحران کے دوران اربوں ڈالر کا نقصان پہنچا ہے۔ امریکی ہاؤسنگ مارکیٹ کے ایک تازہ سروے کے مطابق نو فیصد سے زائد مالکان مالی مشکلات کی وجہ سے یا تو اپنی قسطیں بروقت ادا نہیں کر رہے یا پھر انہیں اپنے گھر بینکوں کی طرف سے تحویل میں لیے جانے کا خطرہ ہے۔ مرکزی حکومت کی طرف سے ان دو کمپنیوں کو سرکاری تحویل میں لیے جانے کا اقدام امریکی تاریخ میں کسی مالیاتی ادارے کو بچانے کی سب سے بڑی کوشش ہے۔ فریڈی میک اور فینی مے کو سرکاری تحویل میں لینے کا اعلان اتوار کو امریکی سیکریٹری خزانہ ہنری پالسن نے کیا۔ صدر بش کا کہنا ہے کہ ان مالیاتی کمپنیوں کو اچھی حالت میں لانا اور ان کے کاروباری طور طریقوں کی اصلاحات کرنا ہمارے مالیاتی نظام کی صحت کے لیے بہت اہم ہے۔ انہوں نے کہا کہ اب جو اقدامات کیے گئے ہیں وہ عارضی ہیں اور شارٹ ٹرم میں ہاؤسنگ مارکیٹ کو سہارا دیں گے۔ اتوار کو اعلان کردہ پروگرام کے تحت دونوں کمپنیوں کی مینیجمنٹ کو تبدیل کر دیا جائے گا اور ان کمپنیوں کو اپنے کاروبار کو فروغ دینے کے لیے مزید سرمایہ فراہم کیا جا ئے گا۔ |  اسی بارے میں  امریکی بینک کے حصص کی فروخت17 March, 2008 | آس پاس ایشیائی بازاروں میں بھی تیزی19 March, 2008 | آس پاس سستے ملبوسات کا دور خاتمے کے قریب 24 April, 2008 | آس پاس | ||||||||||||||||||||||||||||||||||||||||
| |||||||||||||||||||||||||||||||||||||||||
| |||||||||||||||||||||||||||||||||||||||||
