افریقی پویلین میں تیس آرٹسٹوں کے فن کے نمونے رکھے گئے ہیں

اس نمائش کے سب سے اہم انعام ’دی گولڈن لائن‘ کے حصول کے لیے دنیا بھر کے تقریباً 72 ممالک کے فن کاروں کے درمیان مقابلہ ہے۔

وینس میں نمائش کی تصویری جھلکیاں

نمائش میں پہلی بار افریقی اور رومی یا چپسی آرٹ کے لیے الگ سے پویلین بنائے گئے ہیں۔ پہلی بیےنالے نمائش 1887 میں ہوئی تھی اس کے بعد سے نمائش میں پکاسو جیسے مصوروں سمیت کئی معروف آرٹسٹوں کے فن پارروں کی نمائش ہو چکی ہے۔

1948 میں بہترین مجسمہ سازی کا انعام جیتے والے اونگری مور نے اپنے کرئر کی ابتداء اسی نمائش سے کی تھی۔

وینس میں بی بی سی کے نامہ نگار کا کہنا ہے کہ اس نمائش میں پہلی مرتبہ روم کے فن پاروں کے لیے ’پیراڈائس لوسٹ‘ کے نام سے ایک الگ پویلین مخصوص کیا گیا ہے۔ بہت سے لوگوں کے نزدیک یہ عوامی دلچسپی سے بھرپور اقدامات میں سے ایک ہے۔

اس حصے میں رکھے جانے والے نمونوں میں رومیوں کی مشکلات، غربت اور دکھوں کے ساتھ ساتھ دنیا میں کچھ کر گزرنے والے افراد کی خوشی اور فخر کو بھی ظاہر کیا گیا ہے۔ اس حصے میں آٹھ ممالک کے سولہ آرٹسٹوں کے فن کے نمونے رکھے گئے ہیں۔

اسی طرح افریقی مصوروں کے لیے بھی ایک الگ پویلین مخصوص کیا گیا ہے جس میں تیس آرٹسٹوں کے فن کے نمونے رکھے گئے ہیں جو ایک نجی کلکیشن گھر سے حاصل کیے گئے ہیں۔