اندرا نوئی نے اکتوبر میں کمپنی پیپسی میں کام شروع کیا

فوربز کی لسٹ پر پہلا نمبر جرمن چانسلر اینجیلا مرکل کا ہے جبکہ دوسرے نمبر پرامریکی وزیر خارجہ کونڈولیزا رائس اور تیسرے نمبر پر چینی نائب وزیر اعظم ہیں۔ یہ لسٹ ان خواتین کے معاشی اثرو رسوخ اور مسلسل خبروں میں رہنے کے لحاظ سے مرتب کی گئی ہے۔

اندرا نوئی انڈین شہر مدراس میں پیدا ہوئیں تھیں اور وہ ییل سکول آف مینجمنٹ سے ڈگری یافتہ ہیں۔ یہ پچاس سالہ خاتون 1994 سےاس کمپنی کے لیئے کام کر رہی ہیں اور 2001 سے یہ چیف فنانشل آفیسر کے طور پر تعینات تھیں۔ ٹروپیکانا نامی فروٹ جوس کمپنی کو پیپسی کی کمپنی میں ضم کرنے کا سہرا ان کےسر ہے۔

پیپسی کمپنی نے اندرا نوئی کو گزشتہ اکتوبر میں نیا سربراہ چنا تھا جس کے ساتھ ہی پیپسی امریکہ کی دوسری پڑی کمپنی بن گئی ہے جسے ایک خاتون چیف ایگزیکٹو چلا رہی ہیں۔