کلیئرینس ہاؤس نے اس کیس پر کوئی بیان جاری نہیں کیا ہے

اڑتالیس سالہ کلائیو گڈمین اور پینتیس سالہ گلین ملکئیر ان الزامات کا سامنا کرنے کے لئے سٹی آف ویسٹ منسٹر مجسٹریٹس کی عدالت میں حاضر ہوئے تھے۔

ان دونوں پر وائس میل کے پیغامات کو چوری کرنے کی سازش اور آٹھ وائس میل کے پیغامات کوجعل سازی سے سننے کا الزام ہے۔

وہ دونوں انتیس نومبر تک ضمانت پر رہا کر دیے گئے ہیں۔گڈمین کو اخبار ’نیوز آف دی ورلڈ‘ کی ملازمت سے ہٹا دیا گیا ہے اور انھیں عدالت میں صرف اپنا نام، عمر اور ایڈریس بتانے کے لئے کہا گیا تھا۔

ڈسٹرکٹ جج نے بتایا کہ ان کا کیس اولڈ بیلے کو ٹرانسفر کر دیا گیا ہے۔