اس بینک میں کئی کروڑ بیج رکھے جائیں گے

اس جزیرے پر کروڑوں کی تعداد میں جمع کیئے جانے والے بیجوں میں دنیا میں کسی ناگہانی آفت یا ایٹمی جنگ کی صورت میں ہونے والے نقصات اور فصلوں کی تباہی کے بعد اس بینک سے استفادہ کیا جا سکے گا۔

اس غار کو اس نکتہ نظر سے تعمیر کیا گیا ہے کہ ایٹمی جنگ اور قدرتی آفات کی صورت میں اس میں ذخیرہ کیئے جانے والے بیج محفوظ رہ سکیں۔

ناروے کی حکومت نے بحرمنجمد شمالی کے اس دور افتادہ جزیرے سپٹس برجن پر ایک غار میں رسدگاہ تعمیر کر کے ’بیجوں کا بینک‘ بنایا جائے گا۔

بیجوں کو جمع کرنے کا کام گلوبل کراپس ڈاورسٹی ٹرسٹ نامی عالمی تنظیم کے سپرد کیا گیا ہے۔

ٹرسٹ کے ایک کارکن جیف ہاوٹن نے کہا کہ انہوں نے دنیا کی تمام فصلوں کے بیج اس غار میں رکھے جائیں گے۔

ہجیف ہاوٹن نے کہا کہ دنیا میں اس وقت ایک ہزار چار سو اس قسم کے سیڈ بینک قائم ہیں لیکن یہ تمام ایسے مقامات پر قائم ہیں جہاں پر یا تو سیاسی عدم استحکام ہے یا پھر ایسی جگہوں پر ہیں جہاں قدرتی آفات آنے کا خطرہ رہتا ہے۔

قطب شمالی سے نو سو چھیاسٹھ کلومیٹر کے فاصلے پر قائم اس بینک کو اس جزیرے پر ایک غار میں کھادائی کر کے بنایاجائے گا۔

بحر منجمد شمالی کا درجہ حرارت ان بیجوں کو محفوظ رکھنے میں مدد گار ثابت ہو گا۔ اس بینک کی دیواریں کو دھماکے برداشت کرنے والے کنکریٹ سے بنایا جائے گا اور اس کے دروازے خاص قسم کے لوہے کی چادروں سے بنایا جائے گا۔
۔