امریکی نائب صدر ڈِک چینی

زخمی ہونے والے اٹھہتر سالہ ہیری وہِٹنگٹن کو شاٹ گن کے چھّرے چہرے اور گال پر اور چھاتی میں لگے جس کے بعد انہیں کورپس کرستی نامی شہر میں واقع ایک ہسپتال میں داخل کرایا گیا ہے۔

یہ واقعہ سنیچر کے روز پیش آیا جب دونوں ٹیکساس میں آرمسٹرانگ رینچ پر شکار کررہے تھے۔

اطلاعات کے مطابق ہسپتال میں وہِٹنگٹن کی حالات ’ٹھیک‘ ہے۔ ایک ترجمان نے بتایا ہے کہ اتوار کے روز امریکی نائب صدر نے ہپستال میں اپنے شکاری ساتھی کے ساتھ ہی گزارا۔

ترجمان کے مطابق نائب صدر چینی نے شاٹ گن سے وہِٹنگٹن پر چھّرے برسادیے لیکن وہ اب ہسپتال میں ’ٹھیک اور الرٹ‘ بتائے گئے ہیں۔

زخمی ہونے کے بعد وہِٹنگٹن کو ہنگامی طبی امداد نائب صدر کے ساتھ چلنے والی ڈاکٹروں کی ٹیم نے پہنچائی اور بعد میں انہیں ہسپتال پہنچایا گیا۔

جنوبی ٹیکساس میں جہاں یہ حادثہ پیش آیا مقامی پولیس اس معاملے کی تحقیقات کررہی ہے۔