راشد حسین الخبر، سعودی عرب

	زلزلہ متاثرین کے لیے سعودی امداد کو بارش سے بچانے کی کوشش کی جا رہی ہے۔

سعودی عرب نے امداد کے اعلان کرنے کے علاوہ ملک میں زلزلہ سے متاثرین کے لیے چندہ جمع کرنے کی بھی اجازت دی ہے۔

سعودی عرب نے کہا ہے کہ یہ امداد اور پاکستان اور پاکستان کے زیر انتظام کشمیر میں زلزلہ سے تباہ ہونے والے انفراسٹرکچر کی بحالی کے لیے خرچ کی جائے گی۔

سعودی امداد علاقے میں تباہ ہونے والے سکول، ہسپتال، عمارتیں اور سڑکیں بنانے پر خرچ کی جائے گی۔

شاہ عبداللہ نے سعودی وزیر خزانہ کو حکم دیا کہ سعودی خزانے سے یہ امداد جاری کرنے کے انتظامات کیے جائیں۔

اس سے پہلے سعودی عرب نے پاکستان میں زلزلہ سے متاثرہ لوگوں کو امداد پہنچانے کے لیے فضائی رابطوں کے نظام کو بہتر کرنے کے اقدامات کیے تھے تاکہ متاثرین کو بر وقت امداد پہنچائی جائے۔

کئی سعودی طیارے متاثرین کے لیے امداد لے کے پاکستان پہنچ چکے ہیں۔

سعودی عرب میں چندہ جمع کرنے پر پابندیوں کے باوجود حکومت نے پاکستان میں زلزلہ سے متاثرین کی امداد کے لیے اجازت دی ہے۔

سعودی عرب نے زلزلہ سے متاثرہ علاقوں میں پچاس بستروں کا ایک ہسپتال قائم کیاہے۔

کویت نے دس کروڑ امریکی ڈالر کی امداد کا اعلان کیا ہے۔ کویت نے کہا کہ پانچ کروڑ ڈالر کی امدادی اشیا روانہ کرے گا جبکہ پانچ کروڑ ڈالر بحالی کے کاموں میں مدد کے لیے دے گا۔