فریادی زرداد کابل اور جلال آباد کو ملانے والی ایک سڑک کے نگران تھے

بیالیس سالہ فریادی زرداد کو ایک روز پہلے عدالت نے تشدد کی کارروائیوں میں ملوث ہونے اور متعدد افراد کو یرغمال بنانے کے جرم کا مرتکب ٹھہرایا تھا۔

جج نے منگل کے روز یہ سزا سناتے ہوئے کہا کہ مجرم کی سزا کی مدت مکمل ہوجانے پر انہیں ملک بدر کر دینا چاہیے۔

فریادی زرداد کئی برسوں سے لندن میں مقیم ہیں اور انہوں نے اپنے اوپر عائد تمام الزامات سے انکار کیا ہے۔

برطانوی اٹارنی جنرل لارڈ گولڈسمتھ نے اس مقدمے کے بارے میں کہا کہ یہ معمول سے ہٹ کر ایک مقدمہ تھا کیونکہ اس میں مجرم پر جن جرائم کے الزامات تھے وہ برطانیہ سے باہر کیے گئے تھے۔ تاہم ان کا کہنا تھا کہ کچھ جرائم اتنے سنگین ہوتے ہیں کہ ان کا کسی بھی ملک میں مقدمہ چلایا جا سکتا ہے۔