سفارتخانے کے بائیس اہلکاروں کو دیگرلوگوں سےعلیحدہ رکھا جا رہا ہے

یہ واقعہ ایک ایسے وقت میں ہوا ہے جب ایک آسٹریلوی خاتون کو انڈونیشیامیں منشیات سمگل کرنے کے الزام میں بیس سال قید کی سزاسنائے جانے کی وجہ سے پورے آسٹریلیامیں انڈونیشیا کے خلاف جذبات عروج پر ہیں۔

سزا پانے والی خاتون شپیل کوربی نے سماعت کے دوران خود کو بے قصور کہا تھا اور انہوں نے مذکورہ سزا کے خلاف بدھ کو اپیل بھی دائر کی ہے۔

ایک سروے کے مطابق نوے فیصد لوگوں کا خیال ہے کہ وہ استغاثہ کی بجائےمس کوربی کی بات پر یقین کرتے ہیں۔

آسٹریلیا کے وزیر اعظم جون ہوورڈ نے کہا ہے کہ سفارتخانے میں موصول ہونے والے بیکٹیریا کا معائنہ کیا جا رہا ہے۔

آسٹریلیا کے ٹیلی ویژن چینل نائں سے بات کرتے ہوئے انہوں نےکہا ’یہ کوئی بے ضرر پاؤڈر نہیں ہے۔ یہ ایک قسسم کا بائیلوجیکل ایجنٹ ہے۔ میں سائنسدان نہیں ہوں لیکن مجھے بتایا گیا ہے کہ یہ پاؤڈر بیسیلس کی قسم کا بیکٹیریا ہے۔

وزیراعظم ہوورڈ نے اس واقعہ پر انڈونیشیا سے معافی مانگی ہے اور کہا ہے کہ وہ جانتے ہیں کہ انڈونیشیا میں زیادہ تر لوگ یہی سوچیں گے یہ واقعہ دونوں ملکوں کے درمیان تعلقات کے لیے نقصاندہ ہو سکتا ہے۔

اس کے علاوہ انہوں نے یہ بھی کہا کہ اس واقعہ سے مس کوربی کے مقدمہ پر بھی اچھےاثرات نہیں مرتب ہوں گے۔

واضح رہے کہ بیسیلس قسم کے زیادہ تر بیکٹیریا بے ضرر ہوتے ہیں لیکن ان کی ایک قسم انسانوں اور جانوروں میں اینتھراکس کے جراثیم پیدا کر سکتی ہے۔

تفصیلات کے مطابق انڈونیشیا کے سفارتخانے نے اس بات کی تصدیق کی ہے انہیں کئی دھمکی آمیز پیغام مل رہے ہیں اور انہوں نےسفارتخانے میں حفاظتی انتظامات سخت تر کر دیے ہیں۔

مس کوربی الزام کی صحت سےانکار کرتی رہی ہیں۔

انہوں نے یہ بھی کہا کہ جن لوگوں کو مس کوربی سے ہمدردی ہےان کو چاہیے کہ وہ اپنی توانائیاں انڈونیشیا کو برا بھلا کہنے میں صرف کرنے کی بجائے مس کوربی کی قانونی طور پر مدد کرنے میں لگائیں۔

واضح رہے کہ مس کوروبی کا مؤقف یہ ہے کہ جب گذشتہ برس ان کو بالی کے ہوائی اڈے سے چار کلوگرام منشیات کے ساتھ گرفتار کیا گیا تھا تو اس سے پہلے ان کے سامان کے ساتھ گڑ بڑ کی گی تھی۔

آسٹریلیا میں زیادہ تر لوگوں کا کہنا ہے کہ وہ اب سیاحت کے لیے بالی نہیں جائیں گے۔

گذشتہ اکتوبر میں بم دھماکے کے بعد انڈونیشیا کے جزیرے بالی کو سیاحوں میں کمی کی وجہ سے نقصان اٹھانا پڑ رہا ہے۔