 |  چار امریکی فوجیوں پر عراقی میجر کے قتل کا الزام ہے۔ |
چار امریکی فوجیوں پر عراقی میجر جنرل عابد موہوش کی ہلاکت کے سلسلے میں فردِ جرم عائد کیا گیا ہے جن کی موت اس وقت ہوئی جب ان سے تفتیش کی جا رہی تھی۔ میجر جنرل عابد موہوش پچھلے سال نومبر میں ’قائم‘ سے حراست میں لیے گئے تھے جو کہ عراق کے بارڈر کے نزدیک شام کی سرحد سے ملحق ہے۔ ان کی موت اسی مہینے کے آخر میں ہوئی تھی۔ اس کے علاوہ مئی میں امریکی فوج نے ایک ڈیتھ سرٹیفیکٹ جاری کیا تھا جس میں ان کی ہلاکت کی وجہ ’سانس کا دباؤ‘ اور ’دم گھٹنا‘ بتائی تھی۔ اس سلسلے میں جن فوجیوں پر الزام عائد ہے ان میں چیف وارنٹ آفیسر جیفرسن ولیم اور لیوس ویلشوفر اور حوالدار ولیم سومر اور سپیشلسٹ جیری لوپر شامل ہیں۔
| 
یہ صفحہ دوست کو ای میل کیجیئے
پرِنٹ کریں
