 |  انتخابات کا وعدہ پہلی بار گزشتہ اکتوبر میں کیا گیا تھا |
سعودی حکومت نے اعلان کیا ہے کہ وہ جلد ہی سلطنت میں پہلے انتخابات کے تفصیلی منصوبے کا اعلان کرے گی۔ انتخابات کرانے کا پہلا وعدہ گزشتہ سال اکتوبر میں کیا گیا تھا اور اب اس بات کا امکان ہے کہ شاید یہ انتخابات آئندہ چند ماہ میں ہی ہو جائیں۔ سعودی پریس ایجنسی کو دیے جانے والے انٹرویو میں میونسپل اور دیہی امور کے سعودی وزیر شہزادہ مطب بن عبدالعزیز نے کہا ہے کہ انتخابات ایک سو اٹھہتر لوکل کونسلوں کے لیے کرائے جائیں گے۔ انہوں نے انتخابات کے لیے کسی تاریخ کا کوئی اشارہ تو نہیں دیا تاہم یہ کہا کہ انتخابات کا تمام عمل جن میں امیدواروں کی نامزدگی بھی شامل ہے ستمبر میں نئے تعلیمی سال کے آغاز کے بعد ہو گا۔ یہ انتخابات کونسلوں کے ارکان کی آدھی تعداد کے لیے ہوں گے اور ستمبر ہی میں ان کے ٹائم ٹیبل کا اعلان کیا جائے گا۔ اکتوبر میں کیے جانے والے کابینہ نے اپنے اعلان میں کہا تھا کہ نئی بلدیاتی کونسلیں ایک برس کے عرصے میں قائم کردی جائیں گی جن میں اراکین کی نصف تعداد منتخب جبکہ باقی نصف نامزد ہوگی۔ | 
یہ صفحہ دوست کو ای میل کیجیئے
پرِنٹ کریں
