بانڈی پورہ کے لوگوں نے بتایا کہ ہلاک ہونے والوں کو چٹی بنابی کے گاؤں سے سیکیورٹی فورسز نے اغواء کر لیا تھا۔ ان لوگوں کو سیکیورٹی فورسز نے شدت پسندوں کے خلاف ٹیٹوا کے علاقے میں کارروائی کرنے کے لیے انسانی ڈھال بنانے کے لیے اغواء کیا گیا تھا۔

چٹی بنابی کے گاؤں سے بانڈی پورہ تک ہلاک ہونے والے افراد کی لاشیں اٹھا کر پچاس ہزار افراد نے احتجاجی جلوس نکالا۔ احتجاجی جلوس میں شریک لوگوں نے گاڑیوں پر پتھراؤ کیا اور پولیس کی ایک گاڑی کو نظر آتش بھی کر دیا۔

پولیس نے جلوس کو روکنے کے لیےطاقت کا استعمال کیا لیکن احتجاجی جلوس نے ایک پارک میں دھرنا دیے دیا۔

پولیس اور نیم فوجی دستوں کی مزید نفری کو بانڈی پورہ روانہ کیا گیا جہاں پر غیر اعلانیہ کرفیو لگادیا گیا۔

تاہم اس واقع کے بارے میں کوئی سرکاری اعلان نہیں کیا گیا ہے۔