نیپال میں بھارتی ٹی وی چینلز کی نشریات بند
،تصویر کا ذریعہEPA
نیپال میں کیبل ٹی وی کے آپریٹرز نے ملک بھر میں 42 بھارتی ٹی وی چینلز کی نشریات بند کر دی ہیں۔
فیڈریشن آف نیپال کیبل ٹی وی ایسوسی ایشن کا کہنا ہے کہ اقدام بھارت کی جانب سے ان کے ملک کی ’اقتصادی ناکہ بندی‘ کے خلاف احتجاجاً اٹھایا گیا ہے۔
<link type="page"><caption> ’ایئرلائنز اپنا ایندھن ساتھ لے کر آئیں‘</caption><url href="http://www.bbc.com/urdu/regional/2015/09/150927_nepal_blockade_india_atk" platform="highweb"/></link>
<link type="page"><caption> ’ناکہ بندی‘ پر نیپال میں بھارتی سفیر کی طلبی</caption><url href="http://www.bbc.com/urdu/regional/2015/09/150925_nepal_india_protest_sz" platform="highweb"/></link>
کیبل ایسوسی ایشن کے صدر سدھیر پرجل نے بی بی سی سے بات کرتے ہوئے کہا ہے کہ بھارتی ٹی وی چینلز کا بائیکاٹ غیر معینہ مدت کے لیے ہے۔
ایسوسی ایشن کا کہنا ہے کہ بھارتی ٹی وی چینلز پر ’ملکی سالمیت کے تحفظ کو مدِنظر رکھتے ہوئے پابندی عائد کی گئی ہے۔‘
کھٹمنڈو کے ایک سینیما کے عملے نے بتایا ہے کہ وہاں بھی دو دن سے بھارتی فلم نہیں دکھا دی جا رہی۔
کچھ دن پہلے ہی نیپال کی کمیونسٹ پارٹی (ماؤ نواز) کے حال میں الگ ہونے والے دھڑے نے نیپال میں بھارتی فلموں اور ٹی وی کمپنیوں کے خلاف مہم شروع کی ہے۔
End of سب سے زیادہ پڑھی جانے والی
نیپال اور بھارت کے درمیان یہ کشیدگی نئے نیپالی آئین کی منظوری کے بعد سے پیدا ہوئی ہے جس پر بھارت کی جانب سے تنقید کی گئی ہے۔
نیپال کے جنوبی ترائی کے علاقے میں بسنے والے بھارتی نژاد ’مدھیشیوں‘ کا کہنا ہے کہ نیپال کے نئے آئین میں ان کے حقوق کا مناسب خیال نہیں رکھا گیا۔
اس علاقے کی مختلف سیاسی جماعتوں اور تنظیموں نے اس کے خلاف احتجاجی تحریک چلا رکھی ہے۔
نیپالی وزارت داخلہ کے ترجمان نے بھی الزام لگایا تھا کہ بھارت نیپال کی غیر اعلانیہ اقتصادی ناکہ بندی کر رہا ہے تاہم بھارتی حکومت نے اقتصادی ناکہ بندی کے دعوے کو مسترد کرتے ہوے صورتحال کی وجہ نیپال میں آئین کے خلاف جاری احتجاج کو قرار دیا ہے۔
نیپال اشیائےضرورت ملک میں لانے کے لیے بھارت کے زمینی راستوں پر انحصار کرتا ہے اور منگل کو بھی اشیائے صرف سے لدے سینکڑوں ٹرک نیپال اور بھارت کی سرحد پر پھنسے رہے۔
رواں ہفتے ہی نیپال کی حکومت نے کٹھمنڈو میں بھارتی سفارت کار کو یہ پوچھنے کے لیے طلب کیا تھا کہ آخر بھارت اشیائے ضرورت لانے والے ٹرکوں کو نیپال میں داخل کیوں نہیں ہونے دے رہا۔
